Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
دنيا بلا لون
Belkiss Naski - بلقيس نصكيدنيا بلا لون..
قهوة من غير سكر..
مخّ مسكّر..
عينين تاعبين..
ووجه حزين..
الترينو كي يفوتك..
والندم على كلامك وقلة سكوتك..
والفرحة اللي ما تجيش..
ومولود جديد قتل أمو وحب يعيش..
الحب اللي يتنسى..
وجنينة ماتت من قلة الماء..
الأم اللي جابت ونسات..
وطفل صغير تشرد بعد ما البو مات..
مرض ينهش البدن..
وذنين تلوج كان عالخنن..
سماء حزينة..
بحر غدّار..
قلب مات بالغبينة..
غابة لاهبة فيها النار..
عالم كلو أشرار..
في عز شبابو بلعو البحر..
في آخر أياماتو مات بالشّر..
ضحكة مصفارة..
أنياب تحت شفايف ونفوس غدارة..
الضحكة المزيانة قتلوها..
القلوب الصافية ذبحوها..
الدم..
وكي ما تلقى في روحك ما تلمّ..
اللي ظلم واللي تظلم..
واللي بالباطل تحكم..
والعزوزة اللي هازها الواد..
وتزغرط على بيعان البلاد..
شليلة ومليلة..
ضايعين والحالة حليلة..
الساعة كي تقوم..
القلوب اللي عالمحبة تصوم..
الصلاة لإبليس..
والعباد في بعضها تعفس وتغيس..
شواطن الانس تتسيب..
وفي الدنيا ماشية وتخيّب..
اللون الأكحل كي يغطيها..
وكي تنسى ناسها واماليها..
اللي همّل واللي همل..
واللي من القهر تشلّ..
زحمة مافيهاش هواء..
خيابة مافيهاش دواء..
لحم بنادم تشوى..
ومنو همّ الدنيا كلا..
وقتاش تجي ساعة الفرج..
وقتاش من بدني نهجّ..
وقتاش نطير فوق السحاب..
لفوق الدنيا بيضة ومزيانة..
وربّ يحضنك بمحبة وفيانة..
لا كذب ولا خيانة..
ولا ناس رهدانة..
حبّ ما يوفاش..
وبالفلوس ما يتشراش..
بلقيس نصكي
Website Design Brisbane
Tags: