خاترك حلمة مزيانة
Rim Wrak - ريم ورقسماء كحلة
و حكاية بنية سمرة
نجمتين مفرتين في ظلام الليل في سماها ضاوين
غزرة و ضحكتين
قمرة و شدت يدين
غيمة و شوافر عينين
و عينيك في خيالي بلاحو
و العروق في بدني شاحو
وردات ذبلو و ماتو
و القهرة انواع
قلي الفرحة وين تتباع
حيوط كحل
نحب بهجة و الوان
و الدنيا كي دور و تدوان
و السماء كحلة
و القمرة مدورة
و الخدود مغبرة
و الشفايف محمرة
و صوابع اليد فرغو
و القلب بالهم معبي
و بوست الخال على سدري المغطي
و الجرح لي ميتراش
و الوجيعة لي متوفاش
و الحكاية لي متتنساش
ورقة و خطين
نهارين
و ليلتين
طوير الليل و حجرتين
حرفين على حيط اكحل مطيشين
و صغار الحجلة مفرتين
الفجر غير دقيقتين
بوستين تحت قوسين
و خاترك spéciale مش كيف لخرين
خاترك حلمة مزيانة
حاجة نحبها انا
ماتت و حطيتها في كفن اكحل كي هاك الحيط لي يخاف يفرح و يخاف يحب
و النص لي يخنقك مافيه مايتحب
و السماء باقي كحلة
و هاك البنية السمرة في بلاصتها باقي متسمرة تستنى فالنجمة تحن و تتعلم تحب و توالف و تقرب و ماعاد تهرب
قمرة و السماء ضاوية زرقة
و شوافر العين عليك مش برشا
ريم ورق
Website Design Brisbane