هي كلمة صغيرة و معناها موش صغير ومحلاها كيف تخرج بقلب كبير ..

نحبّك نحبّك و نحب نحبّك و نحب الناس تعرفني نحبّك ..

ونحب حروف كلمة نحبّك للي حبّوني قبل ما يراوني ..

للّي سهرت عليا ليالي و بحُبها ترعاني للّي كبّرني و حماني و علا ضهروو هزني و لفوق علاّني ..

للي نتمنّى نراه  في فارس احلامي ..

للي تحت جناح كبرت كان باها هي تحلى ايّامي ..

للي ماهانيتش عليه عشرتي و مشى و خلاّني ..

و للي وقفوا معايا و في محنتي واساوني ..

للي ُصغري عديتوو معاهم و قداش عدّينا مع بعضنا ليالي ......

ناس بكري يقولوا الي يحبّ مايكرهش و إلّي في قلبو ذرّة حُب فالماء و ملح ما ينكرش ..

نحبّك ياللي حابيتني ..

نحبّك ياللي في همومي نسّيتني نحبّك ياللي الفرحة سقيتني نحبّك حتى إنتِ ياللي وجعتني و ضرّيتني نحبّك حتى في منامي ..

و نحب خيالك إلي ساعة ساعة نراه قدّامي ..

حُب على حُب يعمل الكلب و حُب على حُب يكتبوه في الكتب و حُب على حُب يهزّك للمحاكم و ترا منّو العجب ...

حِبّوا العيشة راي ما تحلى إلاّ بالحُب