تعرف الي انا حبيتك و من كلمه ل كلمه زدت تمنيتك..  حبيتك  معايا و كي نجمة الضوايا في سمايا  .. حبيتك حذايا و ريحتك تفوح في هوايا.. سعات نقول نزوًة اما لحقيقه بلوًة..  بلوة محلاها يا ليتها ما توفاها.. انت دنيتي و فيك نشوف حلمتي.. 

حلمتي المزيانة الي كي نحكيها لناس نتباها.. نحكيها بتبسيمه و ناس تغزرلي بتبهيمه و يقولولي مسكينه فرحانه و هي مضروبه بسكينه و انا نغزرلهم و نحب نفهمهم اللي معاه مهما كانت ضحكه وللا وجيعه راو ديما في قلبي كي طبيعه.. حكاية عشقي و غرامي نحكيها نهار اخر لصغاري نحكيلهم عليك و نتذكر مسكة يديك..  يديك لحنينه اللي زرعتني في الفرحه كيما يزرعو الوردة في الجنينه .. يا ليت الوقت ياقف بينا و نبنيو عالمنا بيدينا و نعيشو عيشتنا البنينه..