Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

حكايتي ألّي لتوا ما فهمتها

chaînes amour
Éllai Belhassen - ألاء بلحسن

هي طفلة غير كل البنات تكره الحب مش على خاطر تجرحت قبل والا حبت ومتحبتش ... هي تكرهوا خاطر ترى في العباد توا كفه متعذبين من الحب ، كنت برنسيبها فالدنيا انها متحبش خلاص حتى لو لقات إلي يحبها خاطر ينجم يجي نهار ويمشي ويخليها كيما عمل بوها وقت إلي هي صغيرة كان ديمة يوعدها إنو تيبقى معها ديمة وميخيلهاش لكنو موفاش ابوعدو ومشى وخلاهة مشى لعند ربي

كنت هي بنت بوها العمره ماهي بش تنساه والا تبدلوا .. كنت متصدقش حاجة اسمها حب ... لين عرفتو هو إلي دخل لحياتها كصديق ، يحكي معها كل ليلة ، يسمعها ، يعونها ، يستنها فالمحطة بش يمشيو للفاك مع بعضهم .. لين الناس شكت انهم يحبوا بعضهم


وبدت الكلامات أما هما معدلوش على حد ... كان إبتصروفاتو خلها تحس إنو بدا يعوضه في بوها .
لين اى النهار إلي قالها فيه نحبك وقتها هي مصدقتوش خاطر ديمة يقللها فيها بتفدليك اكة عليه حتى هي عادتها بتفدليكة كأنها محبتوش أصلاً

لكن جت فترة بعدو على بعضهم ولت علاقتهم ضعيفة مربوطة اب خيط كنت تحس انها هي وحدها إلي محافظة عليها .. وساعة تفد تقول ننساه ونكمل حياتي لاكنها ماتخافش من انها تنساه تخاف .. تخاف من انها متلقاش واحد كيفو ومايعملهش كيما يتصرف هوا معها .. تخاف ملي تيسير فيها بعدو ... بالأحرى تخاف من انها متلقاش شكون يعوض بلاصة بوها كيما عمل هوا

وبدت علاقتهم تبرد لين تعدو 3 سنين وهما وين يتقبلوا ميقولو كن سلام سلام .. و ساعات يحسبوا رواحهم مشفوش بعضهم لكن كي تجي العين فالعين يحسها تتبكي أما يكذب روحو و- لكن هي وقتها بالحق تجي دموعها بش تهبط وهي تحبش وتخرج في بلاصتها ضحكة صفرة تغطي بها في الواقع إلي لتوى تفرضه فيه على روحها ... واقع انها نستو ومعادش تخمم فيه وبرغم إنو تعدت 3 سنين مازلت دايخة مرهوجة مش منجمة تخرج من حكيتوا وتتجاوزها وتصنع واقع جديد يخدم مصالحها كيما يقول السياسيين

كان هو شمس إلي مضويتلها دنيتها ...لكن تويكة ص.ده تحس إلي ادني بدت تظلم و- المغرب قرب .. تو مابقى يربطهم شي كان شوية ذكريات و- ضحكات .... وفازات إلي بهم ولت تحبوا


ألاء بلحسن

حكايتي ألّي لتوا ما فهمتها