ليوما نكتبلك ببرشا كيوف ممكن حكايتنا تعداة علاها سنين اما مزلت تعيش فيا من بعدك مستخيلتش روحي نجم نكمل و كل صباح نفيق من بعدك نصبح نددش كطفلة صغيرة ماستخايلتش النهار هذاكا باش يجي ..

ساعات يسؤلوني صحباتي لبنات بخي حبيت ولاا لا نجاوبهم ب كلمة لا و من غير ماندخل في التفاصيل ممكن بنية كيفي تعشق التفاصيل اما كنت نحكيهم بيني و بين روحي .. ماتخلتش الشمس باش تشرق و ماستخلتكش باش تقوى على الفراق بعدي و ماتخلتكش تنجم تعيش بعدي ..

و الاغرب الي انا حاست بوجيعتك مبعدي نعرف الى مافما حتى مرا تنجم تعرف تفاصيل حياتك بعدي و منسمحش لحتى وحدة ياش تعيش فيك بعدي ماكناش زوز عاديين كنا زوز موش عاديين و هذا الي امنت بيه و انا معاك ممكن اول مرة نكتب حكاية بصدق هذا و بالوجيعة هذي .. ليوم طيحت من روحي و كتبت بالك تفهم الي الكونتور متاع حياتي بعدك وقف و بدى العد لعكسي..

و الوجيعة الاكبر من هذي الي كل تفاصيل الي فرحت بيها بعدك كانت فرحتها ناقصة خاطر فرحتي ما تكمل كان بيك .. كنت كل ليلة نكلمك فيها نشبع بيها بصوتك على قد منجم .. كيني نهز في وحشة منك .. قداه كنت نعشق تفاصيلك كطفلة الصغيرة .. صوتك الي حبيت نسمعو ليا سنين باش يرد فيا الروح ..

دخلت في حياتي في الخريف و الشتاء حكايتى وفات هذا قدري معاك كيما قدر كل انسان ربي كتبلو بعيش فرحتو ناقصة معادش ناجم نهرب منك خاطرك وليس ساكن فيا لداخل .. كل ليلة نحاول ننسا و نرقد على امل اني نحل عينيا و ننسى انك كنت موجود من اصلو.. و هي و هي نحل عينيا و انا مقابلتك .. نشهد الي انا حبيت مرة و مزلت نحبك عرفت برشا بعدك و

كيفك ملقيتش .. و نعرف الي من داخل مافما حتى مرا تستحقك غيري انا منيش فرحانة بارشا و منيش حزينة اما من داخل طفلة صفيرة توحشت .. توحشت اكل الخزرة المزيانة الي ماشفتهاش و اك التنهيدة الي منعرف سرها كان انا الظربة الي جات من عندك قوية و الظربات الي جاو بعدهم ماعدش نحسهم .. ريت فيك كل الي نحب هذكا علاه حبيتك .. و كل مانجي ننسى ندعثر .. حكايتي معاكك فيها بارشا تفاصبل .. نشالله كلامي يوصلك