Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
حـل الباب
سُونيا الحري - Sonia Horry
أغزرلي في وجهي... قلبي معبي إنحب نتكلم .. إسمعني وإفهمني .. شوف الدنيا كيفاش ولات الغني يأكل في عرق الضعيف .. والضعيف يشرب من الزبلة .. متقولش علاش...تحكي هكا . في بلادي ما فما شئ بلاش .. الرئيس قاعد ع الكرسي كي الثعلب يصطاد في الأوباش .. متنساش وزارة الداخلية مفخخة بالفساد .. يغطيوا في عين الشمس بالغربال...
إمشي للمرشي وهز معاك القفة...قبل ما تخمم تقضي .. إشري دواء ..ينقصلك من الغصة.. إسمعني ..راهو قلبي...واجعني.. ولد بلاد ...مطيش ..في الطليان...عريان...جيعان... و مجلس التأسيسي...يفصص في عيون الناس .. أسكت..خير..ما ترصيلك تبحث ...إجيبلوك تهمة...
من الحيط...أركح...متشوش..ع الشرعية... إنحب إنقول...للحكومة إلي غارقة في ال....... للكرومة...إيجا شوف الشعب... كيفاش..متعذب...على خبزة باش يشريها... مغبون..وعرقوا للركبة .. متحكيليش عالدستور... نفخه وأشرب مائه .. هات حلول بالحق..إتوجع كيفنا... لا توجعلنا كبيدة... يا حكومة...حلي..الباب ...وشوفي...أش صار في العباد.. – .
بقلم
سونيا الحُري
Website Design Brisbane
Tags: