حط يدك في يدي .. هات نخبيك و نحميك راني نخاف عليك و منحملش دڤة الشوكة فيك .. هات ندفيك و نشبع بيك .. هات يديك .. نحبهم يديك .. نحب صوابعك و عروقك سواعيك .. هات نوريك و منخبيش عليك الي انا نحس كان بيك و العروق تخدم كان عليك .. هات يدك في يدي ..

بدينا الحكاية من مدة و نحب نكملها حتى تفنى دنيتي فيك .. هات نملالك الفارغ بين صوابع يديك .. هات نوريك .. الي بين يديك نجم نتلكمت و نتمحى فيك .. هات يديك نرسم فيهم حياتي .. نحب يديك خاطر بيهم نعرف قداش عديت معاك وقت ..

كانو حنان طريين .. كانو يعرفو يشدو كان الستيلو و كبرنا شويا تنحى الستيلو و ولا الميكانيك .. و وليت تشد حاجة اخرى بخلاف الستيلو .. وقت مسيت و حسيت يديك مش هوما الي اخر مرة بستهم .. كرهتهم و قد ما كرهتهم وقتها خاطر حسيت الي قعدت قرون ما ريتكش قد ما حبيتهم مبعد خاطر حسيت الي في يدين دليل العشرة ي صاحبي