Soumaya Ben Rabià -سمية بن ربيع 


 يقولولك لا ويخليوك بين الحقيقة والكذبة تتلوى يقولولك كلمة لا ما تجيب بلى حتى يجي نهار وتتحط قدام الواقع وما تلقى كان الخلى يقولولك لا يسكّرو عليك بين أربعة حيوط كينّك محطوط في تابوت و يقولولك اذيكا الحدود واذاكا الموجود ..


أما توا إنت بش تقول لا بش تقول خليني نشوف الي وراء السور منحبش نقعد حياتي الكل مدفون بالحيا..ما تربطونيش بحبل وتقولولي غيرك جرّب وما وصل وانت ما عندك ما تعمل راو كل  شيّ تعملّ.. ميسالش خليني نخرج كي الباب يتحلّ ونعيش حياتي وما نقعدش تحت الصباط نتذلّ.. نحب نتأمل نحب نتكلم، نتألم أما نتعلم..

نحب نحب ونعشق وكي يجي الهوا نستنشق.. نحب نضيع بين الثنايا ونخرج من تحت الخبايا ونطرب الدنيا بغنايا ونعدّي ليّام بين ضحكتي وبكايا..ما تحبسنيش في حكة العادة والعادات وتخوفني بكلام السادة والسادات حتى نتفتفت كي الفتفات.. ما تحكيليش كان عالمحظور والمستور والي تحت الارض محفور وفي الكراسة مكتوب و ملقّن ومسطّر بالسطور.. جاء الوقت بش تقول لا بش تتكلم بالفمّ والملا وتخلّي بصمتك هنا وهنا، لازم يقولولك اي علاش لا ولو كان هوما حدودهم الحيوط إنت حدودك السّماء

يقولولك لا ويخليوك بين الحقيقة والكذبة تتلوى يقولولك كلمة لا ما تجيب بلى حتى يجي نهار وتتحط قدام الواقع وما تلقى كان الخلى يقولولك لا يسكّرو عليك بين أربعة حيوط كينّك محطوط في تابوت و يقولولك اذيكا الحدود واذاكا الموجود..أما توا إنت بش تقول لا بش تقول خليني نشوف الي وراء السور منحبش نقعد حياتي الكل مدفون بالحيا..ما تربطونيش بحبل وتقولولي غيرك جرّب وما وصل وانت ما عندك ما تعمل راو كل شيّ تعملّ..ميسالش خليني نخرج كي الباب يتحلّ ونعيش حياتي وما نقعدش تحت الصباط نتذلّ..نحب نتأمل نحب نتكلم،نتألم أما نتعلم..نحب نحب ونعشق وكي يجي الهوا نستنشق..نحب نضيع بين الثنايا ونخرج من تحت الخبايا ونطرب الدنيا بغنايا ونعدّي ليّام بين ضحكتي وبكايا..ما تحبسنيش في حكة العادة والعادات وتخوفني بكلام السادة والسادات حتى نتفتفت كي الفتفات..ما تحكيليش كان عالمحظور والمستور والي تحت الارض محفور وفي الكراسة مكتوب و ملقّن ومسطّر بالسطور..جاء الوقت بش تقول لا بش تتكلم بالفمّ والملا وتخلّي بصمتك هنا وهنا،لازم يقولولك اي علاش لا ولو كان هوما حدودهم الحيوط إنت حدودك السّماء