في نهار و ليلة حياتك تتبدل وتعرف إلي في دنيا هاذي ما عندك حد غير عايلتك هوما إلي ياقفوا معاك مل لول للخر يفرحولك أكثر ملي تفرح لروحك يخافو عليك من دنيا و همومها كتمرض يسهرو معاك الليل كتغلط يصلحولك أغلاطك حب لعايلة هو الحب إلي عمروا مايوفى حب نظيف بعيد على وسخ الدنيا .

كتحل عينيك مليح تشوف الدنيا وكر للكره للبغض للتكمبيس تلقى الحب و راه شهوة حب باش يضرك أكثر ملي باش ينفعك ياخو منك ما يعطيش يزيد يوسخك و يذلك تشوف ناس ذيوبة حالة إفامها تستنى في الفرصة باش تنهش من بدنك و لا تفلت فيك لا عظم و لا لحم تشوف لأصحاب مصالح حتى وراء نصيحتهم مصلحة متخبية تعرف وقته إلي في دنيا هاذي تخطاك عايلتك تضيع و يهزك الريح لبعيد