توحشتك  ،مساج مانيش باش نبعثو ،، كيما كل مرة نكتب حاجة ومانبعثهاش خاطرك ماكش باش تحس بيا ،،حاجة ماتعنيكش نموت والا نحيا ،متملح،، اما حبيت نقلك توحشتك ،،قلبي وجعني، روحي طلعت، فديييييييت ، قتلتني وانت بعيد عليا ومكش حاس بيا، قتلتني، قتلتني،قتلتني،

دموعي كل ليلة على خدي وانت مكش حاس،مطفيني،هاز خشمك ،منعرفش شكون المفروض يتغشش انا اللي قتلتني ورميتني والا انت اللي عطيتك حياتي وقلبي ومتملح مني،،كنا محلانا ،،منعرفش شقلبك،،واللا بعد ما خذيت اللي حبيت ضهرلك طيشني،،ظهرت كي بقية الذكورة خاطر كلمة راجل كبيرة عليك بعد اللي عملتو فيا،، حبيتك واوهمتني انك تحبني ،صدقتك كنت بهيمة وما فقت كان مخر ،،بعد ما فات الفوت،،منجمتش ننساك بعد اللي عملتو فيا ،،

تيفاه ننساك وانا ماكذبتش كي قتلك حبيتك وعشقتك،،الدنيا فانية نتقابلو عند القاضي الفوق ،،هو يخلص كل شي منك،،وانت مصيرك تذوق اللي عملتو فيا في حد عزيز عليك،،مانيش نتشم اما يعجبني الزمان كي يدور،،قتلي حبيتك ،مشيت معاك في الطريق ،،قربنا حسيت احلى لحظة في حياتي معاك،،وانت مبعد تقلي منجمش نكون معاك ،،خاطرك باش تفني عمرك لربي،، متنجمش تخمم في طفلة خاطرك تحب تكرس حياتك لربي،،احترمت قرارك،،اما جا النهار اللي صدمتني فيه،، قتلي تحب طفلة أخرى،،قتلتني ،،مافيباليش للدرجة كذاب،،حبيتك وماتستاهلش ،كذاب اما منجمتش ننقم عليك،، صحة ليك لعبت بيا،، صحة ليك نجمت توصلني مع اني اول مرة نحل الثنية لغريب باش يدخل حياتي ،اما عرفت تلعب دورك وعرفت تعديهاا عليا اما فما ربي ويجيك نهار تفهم شمهناها تضر وتكذب على ولية