أول ما ريتو ما كنتش نعرف حتى اسمو ،، جات العين في العين ،، بقينا مركزين مع بعضنا ،،، سأل عليا صحابو اللي هوما اصحابي زادا وبدت قصة الحب اللي ذوبتلي قلبي ،، شوي مقابلات ،على شوي قعدات ،

شوي كلام على شوي تفدليك ، لين ملك قلبي ، عرفت انو يخدم في الجيش ،،ملول  ترددت ،، خفت ،، هبلت ،خممت أنو الانسان اللي حبيتو ممكن يجي نهار ونخسروا ، اللطف هالفكرة قتلتني ،، زعمة نكمل معاه خاطر نحبو ؟ والا نسلم في على خاطر واجبو مناديه و منعرفش مصيرو ،، خممت ،تعذبت ، بكيت ، اما ما سلمتش فيه ،،

مش خاطر حبيتو أما كان كل وحدة تحب على حبيبها يشد الدار معاها وقتها البلاد معاش عندها شكون يحميها ،في الجيش ،، كنت كل ما نسمع انو ماشي للقصرين نترعب،، قلبي ياقف، عروقي تجمد ، دموعي تهبط ، نخاف عليه ، نخاف لنتحرم من خزرت عينيه ،، نخاف نفقد أغلى انسان عندي ،، حبيبي الجندي ،، كل ما نهز التلفون نسمع صوتو نزيد نهبل على بعدو ،، نتمناه يرجعلي فيسع ،،