جوانحك مكسرة
Ons Sliti - أنس السليتيوقت تحس الي جوانحك مكسرة
أحلامك من فوق جبل طايحة
و الدنيا كحلة
وقت كلمة ( حتى شي ) تولي كل شي
وقت معاد شي يعنيلك شي
وقت تعيش ف فراغ
تعيش ضايع كيما لبراح كيما ليوم
وقت كلمة ( تللف تي ما فما حال يدوم ) توللي كذبة تقولها لروحك كل يوم
وقت تحس الي انتي تعيش فكذبة
أو بالأحرى معادش تحس
كل شي عادي ... جيست مخك فيه برشا حس
وقت كل يوم ترا فروحك تكبر
و انتي قاعد تستنا
وقت ( تتبدل حاجة) هذاكا فاش تستنا
وقت كل شي تكره
تتمنا تهرب ...
اما خسارة جوانحك مكسرة
أنس السليتي
Website Design Brisbane