توحشتك ! توحشتك صوتك و ريحتك و خيالك و بهامتك و عينيك و شعرك و طولك و ضحتك و البحة لي في صوتك و بلادتك و غشك و غيرتك و ضمارك و مخك الصغير و تروميزك و كيف تتغشش من غير سبب و العرك لي تشريه مالحيط! توحشت عيشتي معاك و دلالي عليك و وسع بالك معايا و كيف يشيخو عليك صحابك أما ما تعلقش و تبقى تسمعني و توحشت نحكيلك حكاية لا ساس لا راس تبقى تحلل حتى تفهم منها حتى شوي و تعطيني حل !

توحشت نشكيلك تقلي أي حاجة تعرفاها تريحك أعملاها و بعد أي حاجة تصير نا نتصرف و نخرجك منها رتحي مخك و راسي يسد ! توحشت ما نخافش خاطرك معايا و ساندني توحشت نسمعك par hasard تحكي عليا لأصحابك تgلهم بنتي توحشت يحكولك حكايات عليا تموت بالضحك و تgلهم البنوتة ما تخوفش و كيف نشوفك تعمل روحك ماكش تخزرلي ! توحشت كيف ما تحملش فيا الفدلكة الماسطة توحشت نgلك لحظة خنتعدا تتلفت تشوفني تعديني من gدامك باش حد ما يقلقني ! توحشت نكلمك نبكي خاطر حلمت بيك مت تتفجع عليا و تفيق مرعوب و نحكيلك الحكاية تgلي ''شوف الخبر '' ! توحشت نكلمك و إنتا في القهوة ولا مع صحابك تسيب كل شي و تبقى تحكي معايا ! توحشت نعس على ال mi-temps و نكلمك خاطر البرسا أهم من كل شي هههههههه ! توحشتك ! سي l'architecte