شي مانجم يقوى علي في حياتي كان حكم ربي كي هز ناس كانوا دنيتي ومافيها ..

توحشت عزيزي مختار وصلاح يرحمو وطيبتو ،

توحشت جارنا عمك حمادي وعزيزتي صوفية عزيزة انتيمتي لي تربيت في دارهم ،

توحشت ناس مشات .. ربي كيما عطى خذا ..

توحشت صغري برشا !

توحشت ناس تفهمني كيما امي كي كنت نبكي وانا منتكلمش تعرفني جعت عطش قلقت ..

توحشت بابا كي يهزني يلقفني ..

توحشت نبات في حضن امي وراسي في شونها ..

كبرت ! كبرت ولليوم مزلت نخسر كان موش بحكم ربي راو مني .. انا الخايبة والقلب دوني والي منعرفش نعيش .. انا الجاهلة الامية لي مكملتش قريت .. انا البهيمة الي لتو متعلمت نعيش .. انا الدغمية .. انا البوهالية .. انا لي نشد الدار مالستة متاع العشية .. انا لي لا ريت بواتا لا ريت ناس سهارة .. انا لي وليت عزوزة نغناغة خرخارة .. وانا لي منعجبش ..

امالا لواه ناس دايرة بيا ؟؟ حاجة ملقيتلهاش جواب .. كي انا دونية وجاهلة ومافيا شي يصلح لواه دايرين بيا الناس ! انا كيما انا ،منتبدلش .. بالك يجي نهار ونتطور ونذوب من وسطكم .. اما انا هي انا .. منبدلش كلامي وقلبي .. منبدلش نيتي منبدلش محبتي وتخمامي .. انا ملخر منتبدلش .. فقدت موش خسرت وميقلقنيش كيما فقدت بالدنيا نفقد بالحيا .. منعرفش لواه نكتب اما رجعلي احساس الكتيبة .. كلام موش مقصود اما كلام واضح ومفهوم .. نحبكم الكل اما حتى في حضوركم مزلت وحدي ..

بقلم زهرة الزغواني