توا تحب

Amal Yaakoubi - أمل اليعقوبي

توا تحس و تتحس

توا تحب و تهبل و تحب تمس

مع بدنك تخيطها

و تبات عليها تعس .

. تخاف تهرب منك و بيك ..

حاجة حلاوتها جديدة عليك ..

حاجة متجمش توصفها متجمش تحكيها

و لا للغير ترويها

.. تحس روحك تحب تصيح و تقول :

راني عاشق و نحب

و كاس العشق تكسر و تكب

.. تعبات السماء و قطرت و بماها تبلينا

.. و بعشق بعضنا تعلينا ..

قراتلي و قريت على شفايفها

تبسمتلي وضعت فضحكتها .

. و ساعات يوفا الكلام و يتعشق السكات تحب تخزر و تحس

تخلي عينيك تحكي و بدنك يروي لين نفس يتخنق بيناتكم و يتقص

.. تتفارقو و تتوحشها

تفقدك تتلقاو صدفة و لسدرها ترجعك ..

الحب دين و تولي تراها رب ..

مرا تعبدها و كي تطفيك تلومها و تسب

.. و توا تولي تغار من خيالها

و مرايتها و تعرف حكايتك و حكايتها

.. والي التفاحة موش خسارة فسيادتها

.. و لي هي حرمتك مالجنة

باش تسكنك دنيتها و تدوقك نارها و جنتها ..

حرارتها و رياض تمديدتها ..

برشا هلواس و برشا وسواس

و انا توا قاعدة نشهي فيك

برا نشاالله بعشقه غريبة يبليك

متعرش على بلاها منين ايجيك

رانا عملناها دنية متاع عشق و كلام

و علاه التمثيل و الافلام ؟

علاه كلام مكتوب على وريقة ؟

علاه منعشقوش في اليقضة و الحقيقة ..

تي الدنية بدات بالحب تي آدم سعدو تكب فجرت حواء

اي فجرتها !!

.. كي حب يعمللها شهوتها

بالك وعددتو تحبو

و لا وعدتو بسهرية فيها بالعشق تهدو

بالك هو بيدو شتهى مطعم التفاحة مخلط بريق شفتها

.. علاه نتلهاو بالشقيقة و الرقيقة

و ننساو نهبلو و نحبو كل دقيقة

و لا كل سكوندة و نكمل السيقارو حتى للبونتة

.. تي علاه راهي دنية عشق و سلام .

. يكثر فيها العشق و تتنحى فيها الاوهام

.. علاه جهنم

؟ علاه منعملوش نار من جواجينا

.. نار من عشقنا تحرقلنا روارينا

و طول الليل تضوي علينا ؟

علاه الجنة

و الاحلام

و علاه نستناو فحاجة منعرفوش علاها يا حقيقة يا اوهام

.. علاش منعملوش مالمعشوق جنة ..

يحلى فيهى الفن و يزن فيها اللحن و يتغنى

.. ترتاح فيها الانفاس

يرتاح بخزرة عينيها

و ترتاح على سدرو و هو بثمار جنتهم يعشق فيها ..

و كفرني و سبني ..

و قول عليه فجر و العني ..

و انا نكفر بكرهكم و تسكيرتكم

.. بجهلكم و ضلمتكم

.. تقولو كفر و برشا دنوب و انتوما كي تراو مرا عقلكم ايدوب ..

المرا تعرفو تملكوها و على كيفكم تكونوها .. يgربطوهالكم هدية و تخليوها بغبينتها ضحية ..

المرا تعرفو تستفعلو فيها

و تسبوها

و كي تعشق و تعبر تكفروها

و بسكينة كرهكم تدبحوها .

. الحب موش بدن

الحب دنية و فن ..

خليني نحبك

كي نخزرلك

كي نتخيلك

كي نشتهاك

كي فالوحدة نتمناك

.. نحبو بعضنا نشطحو نهبلو نسهرو نسكرو بعشقتنا

.. نخليوها باللدة تعبينا

.. تبربشنا

.. تشهينا

.. تعرينا .

. تهبلنا .

. و بسراب تعبها تغطينا

و فبرها تسبلنا

.. تدخل فيا و ندخل فيك

.. نشوف الدنية منك ..

و نملاها بنفاسك

و نعمللها صوت بصياحك

و ضو ببياضك

و نسمة خفيفة من رياضك

.. باش نحبو

و نملاوها حب و نتكبو ..

محلا كلامك

محلا احلامك

محلا صوتك

محلا موتك

محلاني كي نحيا بيك

ومحلا الدنية من عينيك ..

منشفاش و موش باش نشفى ..

و على شفايفك نهبل و نغفى

.. نجردك و كلامي يعريك

.. نجننك و مالعشق نحفيك

.. اركعلي و شوفني نهب

ل .. و شوفني فبحر شهوتك نشق و نهمل

.. نتعل و الاربعة نسبل

تعاود تبربشني و نتحير

.. لساني يغوص مع لسانك

و مشهوة تعضني و مالوهلة نحلالك .

. نهبل بيك و من هبالي الله معافيني و معافيك

نتخبى فيك نتنحر من خزرة عينيك

نسيل على رقبتك و نتخنق على سدرك

نروى و ما نشبع من حبك .

. نسمك نلزك ليا و نزيد نلزك

و باللهفة من شعرك نشدك

تقوى بيا الشهوة و نشتهى دمك

نشتهى نوشعك و نشتهى آآهك

و تتملى الدنية بصياحك

.. و تهيج ارياحي و ارياحك

بدني بحرارتو يشوي

و بدنك في الظلام عليا يضوي ..

و يدهم الناس و نسكنك وسواس خناس .

. ينسيك في الحروف و الارقام

و كان سكنك قبلي غرام

.. ينسيك في الاشكال

و العيب و الحرام .

. نبوسك و نتقوى عليك

و بسنيا فشفتك نكويك

نكويك و منرحمكش نكويك

و من رب عشقي ما نداويك

بقلم

أمل اليعقوبي

Website Design Brisbane