تنساك الموت

Ghada Triki - غادة التريكي

كبرت بها المحبة و كبرت معها حلمتها

حلمة بجوجمها سكنتها ستنتها ليالي أما خانتها

كل ماتقرب تحسها منها تبعدها

و تتعدى الأيام و هي وقف بها الزمان

تتفكر في الدقايق و السوايع و الأيام

تتفكر في الشهقة و الفرحة و الأوهام

تتفكر في الليعة و الوجعة و الكلام

الكلام إلي تقال و ياليتو متقال

والكلام إلي خانها لسانها و نساها بش يتقال

تهبط على خدها دمعة من حرقة قلبها إلي ثقال

غزرت للمرايا و ضحكت

حتى مرايتها خانتها

هيا إجا ستنيتيك ليالي

إجا خليها اطيح الورقة

إجا و إمسحها الدمعة

إجا و كان شتزيد تبطى عليا أنا نجيك بساقيا

تنساك الموت دعاوا عليا

أما أنا ستنيتها تمنيتها و حلمة في قلبي خبيتها

و هي لا حبت تحن عليا

إجا و لم إلي مات فيا

و كان شتزيد تبطى عليا ... يا موت توحشتك نخلي الدنيا و نجيك بساقيا

بقلم غادة التريكي