تصاوري
Manel Dridi - منال الدريدينتوحشُو نجبد أكا التصاور إلّي كلاتهم الغبابِرْ حابّة ننساهم
نرصِّفهُم على فرشي و نبدا بالتصويرة بالتصويرة نقلّب فاهُم
تصاور واضحين أما الذكريات فْلُو..ما فهمتش مُخي يفسّخ فيهم والا تعدّات مديدة علاهُم
و بعد تُوضَاحْ تصويرة..نرا في طُفلة صغْرونة مكعبرة لابسة روبة بُردْڨاني، قاصّة شعرها و تضحك بلاش سنّين
بنُّوتة غنجة فرحانة بحوايج العيد راكبة على حصان أكحل على لُون عينيها الواسعين
تزيد تُوضاحْ مليحْ.. الطفلة هاذيكا أنا.. كُل شي تبدّل فيا أما هيّا هيّا أكا العينين
و هاذاكا الّي شادني باش ما نطيحش بابا..حتّى هذي زادة تبدلت، دزنا و خلّانا الكُلْ طايحِينْ
كي تجي تشُوف ما توحّشتُوش مغششّة عليه أما كان يعنّقني تو كُل شي يتنسى بدمعْتِين
نكذب ما ننساش..
نمسح دموعي و نلم تصاوري قبل ما يفيقُو بيّا
نْتَرْكِنهُم حذا فرشي وين حاطة حاجاتي الغالية عليّا
و يرجعلي شاهد العقل و نحلف ماعادش نعاود نتفرّج فاهم
نحلف كي كُل مرّة
منال الدريدي
Website Design Brisbane