تحبها ؟

وتوحشتها ؟؟

هي لا تحبك ولا على بالها بيك واخر همها انها ترضيك لا تاخذ بخاطرك ولاهي عايشة ليك..   تضحكلك مصلحة ،حاجة صفرة تتبسم ،برستيج وضوء وفازات

وعندها علاش بعد الي تفيس باسمك قدام البنات .

افلام افلام ورأس ولدي كلها افلام وتمثل عليك ...

وحتى كان نهار كيف تقص الكيّاس من يدّك شدتك راي خايفة،و موش محبة فيك

والبوسة من خدّك ؟

قال شنيا كي تتغشش ترضيك

لغة كذب و إحساس بالنقص  

تعبي فيه بيك

وانت بدخانك تحرق وتتحرق، صدرك خوّخ وقلبك تنقب

و إنت تقولي  حب...   

الحب في ها لبلاد كذبة

كيف الضوء للأعمى

كيف الموزيكا للأطرش  

كيف معنى النظام في قاموس انسان مفرفش

كيف البكوش الي مايردش السلام  

كيف البهيم الي ما ينفعش معاه الكلام

#شك مات وانت مازلت تخرف في التفاهات  فيق وتعلم تغزر بقلبك مش بعنيك

وراس ولدي الكلها تمسكي عليك ..ووقت الي تحب تعرف شكون يحبك ،جرب طيح وشوف شكون تلقى بين يديك.

بقلم ريهام بن علية