تاج راسي...

Mariem Ouergli - مريم ورڨلي

أول وأصدق حب في حياتي ، بيه نعيش و بيه نكمل أياماتي...

هو الخير إلي نكبر عليه ، نحل جوانحي و نطير بيه...

نحكيلكم علي راجل مش كيفهم ، راجل ياسر فينو حاسيلو سيدهم...

راجل قمحي،طويل ، شعرو مستبيض و مضحكوا ياسر جميل...

حسوا مالي علينا الدار، كيف يبدا بيناتنا ضحك،حس وبرشا ضمار...

تعنيقتوا عندي بالدنيا ، وريحتوا نشمها في كل ثنيا...

صحيح غشوا خايب برشا ، اما قلبوا يزهي في رمشة...

نحكيلكم علي نور عينيا ، قد ما نقول فيه و باقي شوية...

إلي بيناتنا عشقة و حكيات ، عليها نرقد و عليها نبات...

هو إلي خليني قوية ، حتي كيف نشد أصعب ثنيا...

أول حب آخر حب و أقوي حب ، نحبوا نحبوا وعمري لابش نحب...

هو الدنيا الي نشوفها بيه ، ربي يفضلو و يخليه...

بقلم مريم ورڨلي