بلاد نفسي نفسي

Marwa Mhedhbi - مروى مهذبي

سنين بطالة...في بلاد الجعالة

محرومة من الف حاجة

ولات تحشم تمد يديها

تعبت من كثر ما صرفوا عليها

تحب ترجّع حتى شوية للغالية الي تعبت عليها

تحب تزهيها و تمسح دموع تخبات في عينيها

اما عيات و سقيها حفات تلوج على خدمة تعوضها علي فات

شنية ذنبها؟

تولدت في بلاد الرشوة و الفساد

تولدت في بلاد الاستاذ يحب يزيد و البطال يصبر مازال بكري عليه

تولدت في بلاد نفسي نفسي لا ترحم الي مات....

و الحمد لله الرزق بيد الكريم الوهاب