برينافوريا 3
Sabrine Ghannoudi - صابرين غنوديإيييييييه ! عندي برشا ما شفتكش..
قداش توحشتك.
عندي بارشا بعينيا مابستكش..
قداش نحبك .
آنا ما نعرفكش..
وين شفتك ما نتذكرش!
أما نحس في روحي نعرفك.
حاسه لي قبل درا وين شفتك !
ياربي! زعما وين ريتو؟
زعما تعدى في حياتي قبل؟ زعما حبيتو؟
زعما شفتو آما تعديت و خليتو؟
زعما مالبهامة متاعي فيسع نسيتو؟
موش مشكل. إلا منعرفك و نلقاك
لمهم نعاودو نتقابلو و نراك
و نثبت بالقدا فيك و في خزرتك
و نحرقو مخي و نتذكرك
آما منا لوقتها إيجا نحكيلك على خزرتك
إيجا نحكيلك عالحب لي بيني آنا و خزرتك
هوما لحقيقة شويا خزرات
خارجين من عينين كي الخنيفسات
قتلوني.. دخلوني بعضي.. هزوني نفظوني..
ذكروني في أول حب و ليه رجعوني
صدقني حبيتهم و هوما زادا حبوني
نعرف لي حبوني. ولا راو موش كل شويا يتفقدوني
وفي وسط حديثهم مع صحابك يتذكروني
و زيد قبل ما تروح يبوسوني ويعنقوني
خزرات، خنيفسات قتلوك و قتلوني ..
[يتبع: نكمللكم لحكايه وقت إلي نعاود نشوفو ;) ]
بقلم
صابرين الغنودي
Website Design Brisbane