ايجا اقعد حذايا
Rim Wrak - ريم ورقايجا اقعد حذايا
حط راسك على الجرايا
و اسمعني و اتصنت
ايجا نحكيلك على حكايتنا
زوز صحاب غير الاصحاب
زوز احباب غير الاحباب
زوز من ناس غير الناس
حكاية زوز غير الكل
منها لا نكل
و عمري مانمل
ايجا نحكيلك على صدفتنا
و نغنيلك غنايتنا
ايجا وقفني و نوقفك قدام المرايا
ايجا وريني و نوريك
اللمعة في عينيا و عينيك
ايجا حطلي يديا و نحطلك يديك و حس بقلبي و دقاتو و نحس بقلبك و همساتو
ايجا نحكيلك علي ماعمرها و ما راتو عين
و علي ماعمرها ما سمعتو وذنين
و علي ماعمرو ما خرج من بين شفتين
ايجا نهربو وحدنا نحنا لثنين
و نلعبوها زوز عشاق مغرومين
تتطاير من عينيهم شرارتين
زوز ببعضهم مكتفين
قلوبهم مسلسلين
في وسط الناس و مش حاسين
ما يراو كان في رواحهم لثنين
ناريين شاعلين متحررين
ايجا هزني و نهزك
شدني من يديا و نشدك
نمشيو لشايبة بلدية
بنت الصحرا زمنية
توشملنا لثنين
و العينين مغمضين
مخدرين سكرانييين
و تفيقنا و نحلو العينين
اسمك على بدني منقوش
و حروف اسمي على بدنك مرسومة تتلاوح
ايجا قربلي و نقربلك
ايجا شمني و نشمك
عنقني و نعنقك
كي زوز محرومين
عشاق و لبعضهم مشتاقين
حقيقة و تكشفت قدامهم لثنين
ريم ورق
Website Design Brisbane