انت شكون ؟
Shayma Rafrafi - شيماء رفرافيانت شكون ؟
انت لي كنت عايشة فيك
انت لي كنت عايشة بيك
انت لي كانت بيناتنا احلام ما قدرناش نوصلولهم
انت لي كنت تبكي معايا و تضحك معايا
انت شكون ؟
انت نفس العبد لي حبني و عاش حياتو بش يقهرني
انت لي حرقتلي قلبي
انت الوحيد لي هديتني
انت لي عشت بش توريني لي انا ما نعنيلك شي و بقيت معاك
انت شكون ؟
انت لي عذبتني و لعبتلي بقلبي و عديتلك
انت لي بيتني ليالي غارقا في دموعي
انت لي نسيتني في وقت كنت ما عنديش غيرك
انت لي غدرتني
انت لي خنتني
انت لي خليتني
انت لي لقيت الغريب و ما لقيتكشي
انت لي عمرك ما حسستني بالفرحة
انت لي نسيتني كيفاه يكون الحب
انت لي وعدتني و ماوفيت بوعدك
انت لي غلطت و صلحت الغلطة بغلطة
انت عذابي لي في قلبي محفور
و انا شكون ؟
انا اك الطفلة العاقلة النية
انا لي عديت و سامحت و ماعملت حساب
انا لي ضحيت و حبيت من كل قلبي
انا لي لا غدرت لا خنت و لا فيه طمعت
انا لي سميتو تاجي
انا لي ممو عينيا سكنتو
انا لي تمنيتو بو صغاري
انا لي حلفت بكل يمين الحب بعدو ما يكون
انا لي ضيعت عمري نستنا
انا لي صبررت و ستنيت ليالي
انا لي نسيت غدرو و سميتو في حياتي الغالي
انا لي تعبت و ما حكيت ملامي
انا لي تظلمت و لا رافولي بحالي
انت لي لعبت بيا و مشيت
وانا ؟
انا عفست على قلبي و قلت نسيت
اما صدقني عمري ما نسيت ..
شيماء رفرافي
Website Design Brisbane