نتكلم و كلامي ما عندو لا معنى و لا رنة لا في عقلك و لا قلبك..  تصبر و تقول نحبك.. وين الحب الي تحكي عليه...ثلاثة سنين.. و انا نبكي منك... و عليك وعلى القدر الي جابك ليا و جابني ليك... يا عبد افهمني راني نحس..  راهي روحي قريب تخرج مني و هي تصيح حس بيا... 

و انت كيما لي سمع كيما لي ما سمعش...  تقلي تاعب و تمشي و تخليني بش تلقاني من صباح غدوة حالتي امر مللي تتصور بالبكاء...  اليوم ما خنتكش...  اليوم خنت العهد الي ربطني بيك وقت قتلي نحبك.. اليوم نغزر لغيرك و نشد يد غيرك..  هاذك و هاذك.. 

اليوم ننسى فيك بالزين و العاقل.. بالغني و الفنان..  اليوم ننسى في أشلاءك الواحلة في قلبي مش حابة تتنحى...  اليوم مع غيرك ندور و غيرك نعنقو و نضحك معاه.. بش نرجعلك في الليل نسمع كلمة نحبك يا طفلة و تمشي ترقد...  و تخليني...  و تخليني.. لغدوة مع غير غيرك...  و انت مكمل...  انا ما خنتكش...  انت خنتني...  انت سيبتني و جبدت بيا...  يا ربي منك... تنسيني فيك و تبعدني عليك و ترجعني لروحي اللي كالكتها انا وحدي...