الوجيعه!!تعرفو شنوه الوجيعة

الوجيعة انك تبكي و متلقى شكون شكون يمسحلك دمعاتك،

الوجيعة انك تقوم الصباح العنين مغدره،منفوخة ،تبدى تخبي في التعب بالمكياج وتعب القلب كل يوم يزيد يكبر ومتلقى باش تخبيه ،

الوجيعة انك تخرج باكا الضحكة الصفرة على شفايفك ، قداه كرهتها لا مكرهتهاش اما عفتها،

الوحيعة انك تخبي وجهك بالمسكوات،اللي يراك يحسدك ،يحسدك على ضحكة كي ضلك تزول وتخليك وحدك في الظلام ،تبكي وتبكي ،تبكي علي مش و خلاك ،تبكي على مستقبلك،عالدنيا اللي عاكستك،تبكي على سهر الليالي وانت تحلم طتحلم بش تفرح و تجنح في دنيا اخر همها انت شنوة تخمم ،تبكي على تخلويض ليالي ،تخزر لروحك في المرايه تعيفها الوحه اصفر الشفايف مشققة ،العنين محوقة ،المخ هايم يخمم،لوقتاه زعمة ،نهار،شهر، عام متعرش ،كل يوم كيما غيرو شيئ ما تبدل ،تخزر للوجوه ،زعمة كلها كيفي والا وحدى في ها الدنيا اللي حاسه بها الوجيعة،

وجيعة عمري ماني بش نهرب منها .ملقيت كان ورقتي وستيلويا لي مونسيني ،وليت نهرب من ها بالدخان،مع كل نفس نحس روحي خفيفة ،نحس روحي تخلقت مناول جديد ،مع كل نفس نزيد نحلم ،نطيح ونعاود نبني من جديد،نحلم بعيشة بلاش تخمام،نحلم اني نقوم الصباح من غير منستحق للمكياج بش نخبي اللي عملو الليل فيا ،نحلم انو ضحكتي تخرج مالقلب مش جيست عالعينين ،نحلم اني نوصل ونكون لي نحب عليه صحيح شوية تعب،اما يزول كلو في خاطر البنية،البنية المتخبيه على عينين الناس بين ضلوعي ،زعمة يجيها نهار وتخرج تبان للناس ،تبعد عالظلام وتوالف بالنور،تكسر كل شيئ وتبدى ثنية جديدة !زعمة ...!