Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

المْنامة #27

emna-frawes-romanEmna Frawes - آمنة فراوس


بدى عقلي يبررلي في توخيرها...والعاده إلي تبدلت و إتغيرت... زعمة حب جديد طار بها خلاها تبدل و تتبدل...تنسى إلي بيناتنا الكل،ما عشنا من أوقات مزيانة عقلي معادش ينجم يجمع. شكون زعمه؟ هو موجود و إلا أنا ..... منحبش نتصورها...

قلبي باش يخرج من ضلوعي مجدر إني نخمم في حكايه كيما هكا...هذا إلي ماعمتلوش حساب مستحيل يصير هي تحبني مستحيل تنسى الي عشناه مدة ثلاثه سنين... آه ياقلبي يامسكين وين باش تخبي حزنك لو كان إلي يحكي فيه صحيح... شكون باش يداوي جروحك.... سيقارو في جرت خوه وعقل لا هفت ولا ركح...الوقت رزين يتعدى...كل دريجين يشوف الوقت...ياقف يطل على الدروج دوبه يسمع حثلة شي مفماش ريحتها....

يرجع يقعد. هبط و طلع ع الدروج أكثر من مرة...يوصل حتى لباب يعمل كسة صغيرة على النهج .. الشتاءتجبد خطين من السماء شي ريحتها مفماش... زاد دخل بعض...عاود طلع ... زاد دق الباب...حط وذن على الباب يسمعشي صوت حركتها ومحبتش تحل الباب. تهد من الطلوع و الهبوط توا نصف ليل قريب يجي و هو لا مل من مستنيا وهي لا جات رجع قعد على حافة الدروج و تكى راس على الحيط .حط l' écouteur في وذنيه ركح رديونو على برنامج قريب يبدى لوقيت هذا يجيب فيه غنيات قديمة تتبعهم اغاني قداش تمنى نهار يحكي حكاية، يكون واحد منهم يحكي حكاية مع نوارة. بدات لحكيات و غنيات...سرح مع جيعتهم غمض عينيه تكى راس على حيط الدروج يتبع فهم. سمع في وسط الحديث أن اليوم الأربعاء... الموافق 14 ديسمبر 2006. ضحك على روحو أتفكر ان البرنامج هذا يتبع فيه كل اربعاء. قعد على نفس حالة حس قلب طمان... الدنيا بارده تشوي...غطى بها راس بالبوني الي في مكتوب و رجع تكى. يجي ربيع ساعه أكثر شوية. يسمع في حثله في الدروج طل يخزلها طلعه تدحح خطوة خطوة بدن كامل رعش ...منجمش ياقف على ساقيه...الوقتو الدنيا الكل وقف على دبكتها. وقف استوى روحو نحى ليكوتار من وذنيه... كبيشو ...شد بوكي البوكي في يد...سيدات في اليد لخرى...كين جندي...يحي في العلم


آمنة فراوس

Saveالمْنامة #27