اسمي ندى نخدم كادر في أدارة ...إدارة قريب نولي كوترو فاها عل قد ما تعدت الاعوام وانا في نفس المعبوكة من راجل ال راجل و من رونديفو الل رونديفو...بابا ميخوش مراة مينجمش يتفهم معاها و راسها صحيحة و مينجمش يحكم فاها و،بابا لاخر امو متحبش تاخلو تو على أساس امو بش تعيش معايا مش هو ...المهم تعدت لعوام في رمشة عين ... حليت عينيا نلقى روحي في لخمسة و عشرين...

نستنا في راجل نحبو ...اه محكتلكمش انا مرة لولى الرجال يحبوني و يموتو اما يخرج معايا مرتين ثلاثة و يبطلو خاطرني مش مل بنات اللي يعديو معاهم سهرية و ينساو المهم عرفت برشا رجال المتثقف و اللي مش متثقف ...

الللي عندو جاذبية تهد جبال و لا منطق و لا جواب واللي في يدو مش ليه..و اللي معندش شخصية و اللي يخدم في مخؤ اما اكثر نوع وقفلي مخي و تعبني اذكا اللي يبدا ولد امو بابا امو مغلطتو في روحو و يمكن ميعملش عايلة من اصلو خاطر امو هي اللي تحكم مش هو ...نوغ ما فيهوش دوا..

سمعت برشا موشحات يبدلي روحي فيك و يوفلي بأنت ما تستحقنيش حاسيلو اقوة جملة هي معاش نجمو نكملو انت مراة راسها صحيح و تعمل اللي يظهرلها وانا مايساعدنيش واللي واللي بديت نحس في روحي وحدي بلحق و كنت كل ما نشوف كوبل في مسرح و لا في سينما و لا في قهوة نقول نعمبوه الحب اش من حب العشرة هي لكل و اذا محبتوش ميسالش خلي يحبني هو يزي و شعندي نعمل بيه الحب ...الحب مش بش يعيشني لاباس و اللي تاخو معشوقه يزيد الزمان ويعوقها و برا مخذيتش راجل نحبو محسوب شوف اكا افريقيا اللي بش نفتحها و كلي الراجل نحبو جاني ولا عفس لا عفستي ..الرجال الللي نحبهم اما متع بوس و تعنيق و كان يلقاك عل قد يدو يزيد يكمل في الطويل ...الرجال اللي نحبهم انا عندهم القبول و يذوبو جلوب اما من داخل لا ذات ولا ذوات. .. المهم جاتني مدة بديت نثبت في روحي ..في وجهي في تحويق عينايا ..في بدني اللي هبت عليا ريح و ذبلتو... والمحبة اش عملت فيا ...

نشرب قهوتي وحدي ..نشري اللي نحب وحدي معنديش شكون يعطيني رايو..اه منحتفلش بعيد ميلادي..اما كل مرة نحتفل بفشل من علاقة لأخرى و ديما كنت نخرج بالاستنتاج العالمي مش مني هههه مل رجال اللي معاش رجال...من تدعثيرة لتدعثيرة لنهار طحت واقفة و مبعد بطلت جملة معاش نحب كلام يهزو الريح و،شتا بارد مفيه كان انا و افلام تركية و انا نوح عل الحب...نعمبوه الحب ...معندي منعمل بيه ..مقلتلكمش ليوم عرسي اي بش نعرس بواحد من معارف أختي اي عرس تقليدي وبارد ...راجل ينجم يعيشني لاباس و راجل ميحبش لاحرام و راجل حبني بالرغم معرفنيش بلقدا وقابلني و يعرف اللي انا مش فالحة في كوجينة اهوكا نخلطو عل صغير و لا ثنين ...و حلو و مر حتى يوفى لعمر ...و عادي ياسر ننبدب بيه الحب..اهوكا نمارس الحياة عل الفرش ...

مش بش نمارسو الحب و اهوكا انا لميت حلماتي لكل في قفة ورميتهم في الواد كيما يرميو الحجر و هزيت عينيا للسما و قلت معاش فاها هذاي فرصة و لا عاد حاشتي تركب بيا فرس و لا حصان...