والليلة مش كيما الليالي لكل...

الليلة ماكش حلمة ضايعة و انا نلوج عليك... ولا ورقة قطعتها بعد ما رسمتك علاها...

الليلة منحبكش و حتى النفحة طارت منك مع الاشهر حتى منغير منفيق...

الليلة مشعلتش شمعة و دعيت ترجعلي... و لا بت نستنا في خيالك نراجي...

للليلة انت قدامي بكلك أما مشنا في نفس الطاولة أنت مع وحدة من النسا االي قعدت تبع فاهم مبعدي و حتى قبل.. وقتلي اللي متحير ة عليك انت معاهم وقتلي نطلبك ما تهزش انت معاهم وقتلي نقلك نخرجو انت معايا و مخك معاهم المهم تمنيت منتدعثروش في ثنايا بعضنا مرة أخرى و تمنيت ندور عليك وجهي كي نتلاقو في قهوة و لا ثنية.... تعدو برشا أعؤام برشا معاش نجم نحسب اما تذبيلة وجهي و تحويق عينيا.... يحكي وحدو و تعبي في اكا الاعوام وانا نستنى و نتمنى... و متبرنشيا مخي على راجل بركا تنجم تهد أجبال فما بالك مراة قريب تغلق الثلاثين... و هي عايشة بروح معلقة في روح اخرى... كنت ديما نمن اللي تقعد تقعد و ترجعلي مش بمخك اما بقلبك الكبير اللي زاد سكر عليا معاك... و كنت ديما ترجع شهر شهرين حتى بعد ثلاثة بكلمة توحشتك تزعزعني.. تعبني... تقويني تحييني ونرجع أصغر وردة في جنيتك...

الليلة أنا مع راجل اخر ميشبهلكش جملة راجل ميسكتش رجل نطقني انا الي منحكي كان وقت الازم... راجل اول معرفتو قدت نلوج عليك فيه نلوج عل حاجات منك خبيتها منك و ما نجمتش نحاها... و مع الوقت بديت نتخلى علاهم من غير منحس وسهلت روحي في ليلة شكون قالك اللي انا كان قعدت معاك نكون فرحانة... شكون قالك اللي انت مكنتش بتجبد بيا لحبل... شكون قالك اللي أنت الراجل اللي نستاهلو أنا.. المهم محبتو ليا خلاتني نحبو... وقتلي يسمعني و،ما يملش وقتلي يبدل كلامي ليه بتبسيمة ويقلك م اللي يجي منك مبروك وقتلي يسهلني عل ابسط الحاجات.. في اشهر قليلة ستنست بيه... ستنيت مش بخيال اما براجل راجل ديما منلقهوش ورايا اما بجنبي في كل خطوة مشيتها... ليؤك انا مع راجلي راجلي اللي مهربش وقتلي حبيتو و مضعاش في اليالي... و متعبش مني... و مخلنيش بالرغم من التعب اللي تعبتهولو... ليوم انت عينيك لكل معبية وجايع و انا ليوم عينيا معبية فرحة...