الدنيا بخوت
Dorsaf Abassi - درصاف العباسيقالولي آش بها الدنيا! !؟
قلتلهم ما بها شي
ديما عاكسة معايا
منين انا ندور تجي هي ورايا
تقول طفل صغير يحب يشد ظللو
لين تعدى العمر بكلو
قالولي آش بها الدنيا! !؟
والله شي ما بها لباس عليها
هازه عليا خشمها واكهو
مانعرش علاه هذا الكل
إساعة طول حياتي نسايس فيها
ولنهار هي سايستني
من أقل حاجة نخاف عليها
في اللخر هي إلي قسمتني
وعبادها وجعتني وزيد مالفوق بالرخيص باعتني
قلولي آش بها الدنيا! !؟ قالولي ما بها شي
انتي ماعرفت تتصرف في حتى شي
الدنيا تعطيها تعطيك
وإذا تخليها تخليك
أما هي عرفت كان تاخو من عندي، تسرق و تفك
حتى الفرحة توصل عندي و يجي شكون و يزيد يفك
مصتني قتلتني بالحياة، والله قليلة حياه
قالولي يزي عيب عليك ماتقولش هكا
نقول هكا و أكثر من هكا
كرهت حاجة اسمها دنيا و كرهتني في روحي
على قد ما كنت نحب روحي ، فددتني في روحي
وليت نتمنى تطلع روحي
قالولي اش بها الدنيا؟ قلتلهم الدنيا بخوت
حوت ياكل حوت و قليل الجهد يموت
زيدو قلولي آش بها! ؟
والله شي ما بها. ...
بقلم درصاف العباسي
Website Design Brisbane