اصعب حاجة هي الخوف...

الخوف مالوجيعة مالفراق بعد الملقا الخوف من انك تتعلق بحاجة عالاخر و تخاف عليها حتى مالنسمة و تخاف تخسرها و تخسر روحك معاها..

الخوف من اِنك تحس دموعك محصورة في عينيك و تخاف تورّيهم باش ما تضعفش باش ما تزيدش تخاف و تخوّف الناس اِلي تحبهم و تخاف عليهم.

الخوف ينجم يكون من عنوان متاع دار كنت تحبها تعزها و تزعزعلك كيانك الكل فرد مرّة..

الخوف من وجه عشقت كل شيء فيه و غرقت في تفاصيلو..

الخوف من دات تفكرك في حكايات و تعاود ترجعك بالوقت بالتوالي..

الخوف من بلاصة كنت تحبها و تستنا وقتاش تمشيلها باش تقابل اِلّي تحبو و تتوحشو و بينك و بين روحك مستعد تعطيه روحك و قلبك على خاطرو قطعة منّك و ماكش مستعد تفرّط فيه..

الخوف هو دقّة هاكالقلب اِلّي تتوحشها و تستنا وقتاش تسمعها و ما تتهنا اِلا ما تشبع بحسّها...

الخوف مالعبد اِلّي تحبو لا يوجعك كي ما يحبش يفهمك كي ما يحسّش بوجيعتك و خوفك.. كي يخاف يجبد روحو في بلاصة ما يحرص اِنّو رواحكم ما يبعدوش مهما صار.

الخوف عندو علاقة كبيرة بالحب.. خاطر كان ما جيناش نحبّو ما نخافوش