الحب ،،كلمة كبيرة عندها برشا معاني،،

الحب من نظرة تقلبلك حياتك،،

الحب كلمة تخليك ساهر وتنسى النوم،،الحب تضحية،،

الحب هو هوفك على اللي تحبو من دقة الشوكة،،

الحب باللي نحكي عليه منجمش نوصفو اما بالنسبة ليا الحب هوما أصحابي،،هوما الناس اللي ماخلونيش نحس روحي وحدي،،الناس اللي وقفوا معايا كي كنت جديدة وحاسة روحي وحدي،،،عرفتهم كي رجعت لبلادي،،كنت كل مرة في بلاصة بحكم خدمت بابا،،رجعت لناس عمري معشت معاهم،،ناس منعرفهمش،،اول مرة نكلمهم،،الكلهم يخزرولي يحبو يعرفو شكون هالطفلة الجديدة،،شتقرى،،شنو اسمها،،كيفاه طبيعتها،هوما زادة حبوا يعرفوني،،

وزيد شافوني في الحومة ههه لازمهم يعرفوني،،ماكنتش حابة نعرف حد،،اما 3 هاذم عرفوا كيفاه يدخلوا لحياتي،،ضحكهم،،تفدليكهم،،محلاهم،،رجوليتهم،،اهتمامهم بيا،،تواضعهم معايا،،حرصهم عليا ،، ناس حبوني،،قربولي،،ولاو اصحابي،،اخوتي،،اقرب الناس ليا،، عندي 3 سنين نعرفهم،، ولتو منحب نخالط غيرهم،،محلاها كي تلقى أصحاب يحبوك،، تعدت الأيام،،فيسع تعدوا الأعوام،،في الفرحة لقيتهم ،،وفي نجاحي لقيتهم،،في العيد كي ميسأل عليا حد لقيتهم،،،

أكثر ناس حبيتهم وأكثر ناس نوثق فيهم،،بلي صار عرك ومشاكل موفتش علاقتي بيهم،،اصحابي،،أقرب الناس ليا ،، أقرب الناس اللي يطلبو عينايا نعطيهم،،محلاها الصحبة كي تبدى موراهاش لا مصلحة لا شي،،حب صافي ما عمرك ماتلقاه كان مع أصحابك ،،الحب معمرك تحس بصدقوا كان ما تلقى ناس يستحقوه،،الحب مش كان للحبيب والا الحبيبة،،الحب للناس الدايرة بيك الي تخاف عليك،،اللي تهز التلفون وتتفقدك ،،اللي تفرح لفرحتك وتحزن لحزنك،،الحب عمرك ما تربطوا بعلاقة بين زوز يحبو بعضهم خاطر الحب حاجة أرقى برشا