البركة

Hajer Abdellaoui - هاجر عبد اللاوي

تعرفو آش معناها البركة ؟

البركة كي يوفا الشهر لا انت ولا واحد من عايلتك زار الطبيب

البركة كي تاكل شي قليل و تحس بالشبع

البركة كي يخرج الشهر و انت متسلّفتش من حد

البركة كي تكون انت و عايلتك لباس

البركة كي يرزقك ربي بمراا تراعيلك ظروفك

البركة كي يرزقك ربي بصغار متربّيين

البركة كي كل ما تمشي لبلاصة تبتسملك الناس و تقلك راك ناس ملاح

البركة كي ترضى باللي عطهولك ربي و بإقتناع

هذااك علاش نشوفو في ناس تتشكى و مهوش مكفيتها شهاريها خاطر البركة مافمّاش

وعلاش البركة مافمّاش!! على خاطر القناعة مافمّاش

ربي لا تجعلنا منهم و إجعلنا ممن تبارك لهم في أموالهم و أرزاقهم و في صحتهم و أهاليهم و في دينهم

اللهم لك الحمد كما ينبغي لجلال وجهك و عظيم سلطانك.

اللهم لك الحمد حتى ترضى و لك الحمد اذا رضيت و لك الحمد بعد الرضاء.

نص هاجر عبد اللاوي - صورة سلسبيل الغضبان