ليوم حبيت نبدالكم ب كذبة افريل...مفمش حب في الدنيا..و مفماش وجيعة و لاقهره ..انا قوية و ما يهدني شي..انا ذكية و مايطيحني شي..انا بلا قلب و عمري ما نبكي..انا عمري ما حبيتو .انا نجمت ننساه و ماضيه ورايا رميتو...انا مهبطت من دموعي حتى دمعة  من اول ليلة بعدنا فيها ..ماعودتش دخلت لفيسبوكو  ..ما عودتش طلبتو باش نسمع تنهيدتو و صوتو..ماعودتش حطيت تصويرتو قدامي باش نشبع من خيالو...هذي كذبتي ل 1  افريل ..هذي كذبة حياتي اللي نكذب فيها كل لحظة على روحي والناس الدايرة بيا..كل لحظة في حياتي هي 1 افريل بالنسبة ليا..كل لحظة في حياتي نزيد نكذب على اللي دايرين بيا ..كرهتو

هذي اكبر كذبة في حياتي  ..كلنا نكذبو ..ديما نتوجعوا و نكذبو ونقولو نجموا نتحملوا...كلنا نبكيو و نكذبو ونقولو عادي مدة والوجيعة توفى..كلنا نكذبو كي حد يسألنا على حالنا و نقولو لاباس ..كلنا نكذبو كي نبعدو على الشخص اللي نحبوه ونقولو خيرو في غيرو و احنا متأكدين انو ماعادش نخزرو لغيرو و لا يدق القلب بعدو...كلنا نكذبو كي فجأة تلقى روحك بعدت على سبب عيشتك في الدنيا هذي و تلقى روحك مطيش بين الذيوبة وحدك و تقول نجم نكمل نعيش و نجم نكون اقوى وحدي...كلنا نكذبو كي نقولو وجيتنا صغيرة بعد ما نخسرو اغلى انسان و اقرب مالينا ..كلنا نكذبو و كلنا نخبو في وجيعتنا و كلنا بشر نحسو بوجيعة كي نخسرو العزاز علينا..وعمرنا ما نبطلو الكذب خاطر يخفف شوي من عذابنا