يسخايبو الشرف بين ساقين المرا ونساو الي اصل العهر في مخاخهم العاهرة !

بديت كلامي عالمرا خاطر رخصوها وذلوها .. وبيناتنا الي تستاهل ربي يزيدها !

المرا هي الدفا والحضن الحنين هي الي تجبل،تتعب،تولد،تربي ،تكبر،تقري وتولي..

هي الي حمل الدار عليها وخاصة كي تبدا ماخذه راجل خريه ..

بعد تعبها هاكا الكل يطلعلها اكا الصغير `طحان` يا لطيف اللطف ..

يعني شقاها مشى حرام ! تقعد اكا المرا تخبي في وجهها من الناس خاطر الله غالب بعد تعبها ما ثمرتش فيه التربيه ،

تي موش منها لا لا ،خاطيها مرا نظيفه وعفيففه غلطتها حبت قبل كي النسا الكل والي حبتو طلع موش راجل،

في لحضة محبه ضاع لي بين الساقين وخلاها نادمه سنين اما حتى كيف الحكايه وفات وغيرو خذات ،

الناس عمرهء منسات وولا راجلها طرطور مسكين ظلموه ،ا هوا حبها سنين وصبر وعداها من هالظلم ،

اما ولدها كي كبر ولا يتعيطلو يا ولد الحرام ايجا يا ولد الحرام امشي ،لين كبر ونقم على امو الي في جرتو قاسات وتذلت ونقم على روحو وفي عوض ميصلح الي فات زاد تبع بوه وظلم بنت الناس ومن نسبو الحكايه ماوفات ..

ودار الزمان وطوال والي فيه طبه ما تتخبا ،بدات بغلطه والغلطه لتو ماوفات ...

هذا واقعنا ولا عيني عينك يا ناس .. ربي يهدي مخلق ويستر على جميع البنيات..

يا ناس الشرف غالي اما الشرف يبدا من مخك وثقافتك ومبعد يهبط لبين ساقيك ..