اسقيي دم محبتك...

Wiem Hbaieb - وئام حبيّب

اسقيي دم محبتك...

احبسني بين عروق غرامك و منك ما تخرجني...

خبيني بين رموش عينيك و ما تغمض عين على لهفتي لحظة...

داويني بمرضي منك و بالمحبة الي تكبر بين النفس و النفس...

بين نفسنا برشا حكايات و في هواك تلقاني...

نحسك في غزرة تحرم بعدها حياة العين...

نحسك في بسمة تحيي الي اتقتل عندو سنين...

نحسك في عملة نتخبى بيها في قلبك و نضيع من جديد...

نحسك في خطوة نطلع بيها لسابع سما ...

نحسك في بكية... في غصة تتحصر بين الضلوع و ما تخرجها دموع السنين...

نحسك في تعنيقة نفرغ فيها همي...

نحسك كي نتوحش و نتوحش و نتوحش...

و بين ضلعة و ضلعة نتدفن... و هم الدنيا ننسى...

نحبك كي تبدى ليا... نعشقك... نتنفس هواك...

بقلم وئام حبيّب