أمي
Sahar Ben Abdallah - سحر بنعبداللهنعرف موش بيديك و كان بيديك ما تسلمش فيا
أمي تقولي: ماتبكيش ربي حبها.
و أنا يا أمي انا زادة نحبها.
علاه مشيت عليا .
علاه في الوقت هذا بالذات
تعرفني تاعبة
علاه تزيد تعب فيا
تعرفني موجوعه و تزيد توجع فيا !!
قالولي كون قوية
ما يعرفوش الي نهار الي دفنوك شطري معاك ردموه
حاسة بروحي ميتة حية
حاسة بقلبي يعصر عليا
نتفكرك كيما تو
نتكى على ساقيك و تبدأ تخرفلي
ما أبنهم خرافاتك
نتفكرك كيما توا
تجيني للمدرسة تروح بيا
تفطرني
تمشطلي شعري
تشدني من يدي و للمدرسة ترجعني
ما نتفكركش نهار ضربتني و لا نبزتني
و يا ليتك ضربتني
يا ليتني ما حبيتك
علاه مشيت عليا
من دقديقتك على الباب نعرفك
طول نقول لأمي هذي أمي خديجة جات طول عليا
ملي توفيت حد ماجاني
ساعات نتخيلك ايدوق عليا في الباب
نقوم نجري وحدي و نتبسم كالمهبولة
أمان إيجا طول عليا
كيفاه باش نكمل بلا بيك
مانيش عارفة
وجيعة الدنيا كل ساكنة فيا
كيفاه جدتي الي ربتني
كيفاه جدتي الي تحبني
كيفاه جدتي العزيزة عليا تحوطوها في التراب
كيفاه ماعادش باش نشوفها
إنشالله على قريب باش نتلقاوا يا روحي
أصبر شوية
أعديك بيا
نكون بحذاك
و ما عادش نبعد عليك
بقلم سحر بنعبدالله
Website Design Brisbane