لا حسبت نبيعك غالي و يطلع الثمن رخيص و لا حسبت نرخص سومك و يقولو باعتوو خاطر مصيرها طفلة ظاربها الطيش..لا حسبت نعاتبك و نلومك و لا حسبت نحضنك و نحبك...

الزمن غدار يڨولو ڨبل ما يشوفو شنو ل دار ف سِنِكْ..            

قدرتك...ذليتني

عليتك...رميتني

صنتك...و ما بقى ليك كان مشيت و خليتني...

كلامي ما يوصفو كلام و داخلي موجوع لحد انو نسا حالو و قعد يلوج على دواء النسيان...

لا نتذكر كلمة حب منك و لا حضن دافي يقدر يعوض لي كان...

لا نتذكرلك نصيحة بو لبنتو و لا حنانة طَيِّب الخاطر  تعزيني ف كل الاحوال...

موجوعة و ماخذة م الألم مُسَكِنْ..مجروحة من ڨلب كلو مْسَكَرٍ...طامعة فيك و في موقف بِرِّي صار منك لياااا.. موقف رُجلة يخليني مع الأيام نتذكر...

نتذكر...ل ورايااا راجل و للحلم ڨال نتحدى... نتذكر...إني بين إيدين أمينة لا نتوجع و لا نتحير

...ياا ريت ما كان يشغل بالي كان اللعب و نرجع صغيرة لا نتألم و لا ننفعل...كبرنا و كبرت فينا أحلامنا م الصغر..كبرناا و خذا منا السلو ليالينا و أعمارنا...كبرت و تحديت نفسي ننسى و نكبر ب ڨلب حديد...لكني فشلت و للفشل كرهي كان ضميد...كبرت نتناسى و ما نسيت.

و معقول تنسى السكين ل منو تسليت...و لا الڨلب ل قْفل عليك و انت إلو كنت ليه رفيڨ...يڨولو في السكات ذْهَبْ..لكني نكذب و نرد عليهم ؛ ل سكت يا حسرة مات من حسرتو و من النكد...خلي صوتي يعلى حتى الوجيعة تزول خلي يوصل كلامي علك تسمعني،تحن و تجي طل علياا و تڨول:"

كان علياا حبيتك و ل ف الڨلب ساكن ما يموت..صارت ضروف و مشيت و خليتك..ڨسوتي م الدنيااا لي لزتني و تنفيت..لا كنت مسافر ياا بنتي و لا تغربت أعوام و لا شڨيت..

كل الحكاية و كل ل خذا من عمري تولدت ب ڨلب ڨاسي لا تسڨيت م الحنانة ڨطرة و لا تفطمت ب الحب في الصغرة..أعذريني ياا فلذة كبدي و سامحي للي ما كان بإيدو حيلة غدوة نهار جديد ف حضني و نشالله يهل الربيع و يهنينااا...مالي في كلام الحب ياا حنينة لكن نحبك حب الاعمى للحرية و حبي ليك ما يقدر يزول حتى لو ڨسو عليااا..."

و هنااا يوفى حلمي و هنا نودع أمري و هنا نضيع بين ل سكن القلب و بين حلم في حال شتاء و هو ميعادو فصل ربيع...