على قد ما كتبت برشة حكاية لكن وين نجي بش نكتب حكايتي إنا ! حواسي الكل تحبس ... في كل حكاية نكتبها نبدا ندور فيها عالواقع متاعي أما منجمتش نوصلوا ونكتبو

كل ليلة وين نجبد ورقة وستيلو باش نكتب نقرر إلي المرة هاذي بش نكتب عليا انا... يدي تحبس ترمي الستيلو ونحس صوت في وسط مخي يقلي " يا مغبونة ميزيكش منو ... لواه تحير على روحك فالموجع .. أنا قريب انسيك فيه .. وانتي ترجعلو كأنو مصار شي .. ميزيكش من عمايلو المشومة .. إلي كل عملة يعملها أعظم من أختها

عيش بنتي حاول تخرج منو .. ناحيه من مخك ..فسخو .. أنسى انك عرفتو وانا نجم نعاونك .. غير بركة اكة قلبك المشوم .. معدش تعطيه حتى " صلوحية في إتخذ القرار .. خاطر هو إلي هزك للهاوية .. عيش بنتي راك فالدنيا هذي عمرك ماك بش تلقى حد يحبك بالحق .. خاطر كل واحد تيحب روحو ومصلحتو أكثر منك .. ناحيه الحب من مخك تو فكري في مستقبلك تويكة .. وما تحط كان حلمك بين عينيك .. تو ترتاحي