wahiba marmouri
maman-fille-reveWahiba Marmouri - وهيبة مرموري
بش نجيبها نهار كالبنية .. هي تبكي و انا تهبط دمعة الفرحة من عينيا .. من اول نهار بش تكون عندي و بين يديا .. نعطي الغالي و الرخيص بش ربي يحميها ليا .. بش يجي آكالنهار الي بش يبشرني ربي بكبدة جْوَاجَيَّا .. بقطعة من بدني تنحَّاتْ ..

اما أكيدْ تقعدْ ديمَا نفَسْ روَارَيَّا .. نستنَّى فيها من توَّا و نعطي فيها من وقتي و شوَيَّا .. بش تجي و بش ندلل العزيزة علِّيَّا .. بش نعلمها تضحك و تلعب و تفرح و تنڤز و تتزعبن و تتدلل و تحلم .. و الباقي تعَمِّلْ علِّيَّا .. انا الي نحقق و نلبِّي و ما نقُولْ آحْ راسِي تي ياخي انا شكون لِيَّا .. نستنَّى في هَاكِالبنيَّة بش نبوس و نعنق و نحَمِّلْ ..
Lire la suite...  
amoureuse-reflexionsWahiba Marmouri - وهيبة مرموري

انت المشكلة و الهنا .. انت الهم و الراحة .. انت القهرة و الفرحة .. انت الوجيعة و النشوة .. انت الجرح و الضحكة .. انت ناري و جنتي .. انت .. انت برشا حاجات و برشا حكايات .. روايات و تفاصيل .. انت توشيشة عقاب الليل و تخنتيب حروف دوب ما تتحل العين .. انت العشير الخاين و الغشير الحنين .. انت الي تهز الفوق ساعات و تهد ايامات ..

انت داري و بلادي و عالمي و الدنيا .. و انت التفشة في عينيا .. انت الي نحلف عليك .. نغضب عليك .. ما نلوج عليك .. و ما نلقى روحي روحي كان نرضي فيك و نحب نتدلل عليك .. انت وجيعة الجواجي و راحة البال .. انت شوْيِةْ كبدتِي و دمعة فرحتي .. انت الي حروفي تبرد عليك و ما تتنظم كان عليك .. انت برشا حاجات و برشا حكايات .. انت غلطتي الكبيرة و انت الي ما نسطر مستقبلي كان بيك .. ديما تقولي يا مريضة .. مش عيب المرض .. و خاصة كيف يبدى بيك .. تعرف ؟ ساعات نرا رحمة ربي متجسدة فيك و ساعات نرا ربي باليني بيك

 
Powered by Tags for Joomla