oumayma rjeb
pauvrete-enfanceOumayma Rjeb - أميمة رجب

- علاش مش نحكيلكم بالظّبط ؟ حرت .. أنا الّي ضيّعتني السّنين و طيّشتني الأيّام و رماتني الدّهور و نساتني الفرحة وحدي مقهور .. أنا الّي ملقيت حدّ ؛ طريقي بيديهم تسدّ ..

أنا الّي شربت من كاس الظّلم لين رويت ؛ لين جواجيّا تحرقوا و ما قلت أحّييت ؛ أنا الّي تعفست وردة عمري الّي بيدّي رويتها و سقيت ؛ تعبت تعبت تعبت و جريت و جريت .. و ما قلت عييت ؛بالعكس أنا لحلمتي كلّ دقيقة حييت... شنوّة تحبّوا نحكيلكم و منين نبدى ؟

نقلّكم أنا كيفكم نعدّي نهاري شايخ مالمدرسة للّعب مع صحابي للمخدّة ؟ نقلّكم لباس عليّا عنّا دار و ناكلو مليح و كياس منّو كلّ صباح للمكتب نتعدّى ؟ .. هذا الكلّ مفمّاش منّو .. مالا شنوّة تحبّوني نحكي ؟ نقلّكم بلادي متفكّرتني بخيرها مغرّقتني ؟ نقلّكم عايش كيما الصّغار الكلّ ؟

Lire la suite...  
force-femmeOumayma Rjeb - أميمة رجب

انك امرأة.. ضعفك قوة لا يتحملها الا من عشق انسيابه بطريقة خلابة فيك ؛ 

غموضك فنّ لا يتلذذ به الا من هام في مزاجيتك و في تعقيداتك اللّامتناهية ...

عزيزتي؛ كوني بجمال لذيذ , أي ذاك الذي لا تصنعه مستحضرات التجميل ولا الثياب الغالية ,

كوني بذاك الجمال الذي يخطف الأنفاس برقته , بصدقه , بنقائه ؛  كذاك اللّذي نراه في قطرات مطر الشتاء من باب نافذة صغيرة ؛ في رائحة البحر ليلا ؛ في لون الشّمس عند الغروب ..

Lire la suite...  
surprises-vie-amourOumayma Rjeb - أميمة رجب

كنت وقتها صغيرة ؛ منعرفش شمعناها حبّ بخلاف شويّة غنايات و حكايات قريتهم في الكتب .. اللّيلة الّي قبل ما نعرف فيها الانسان الّي نحبّو عدّيتها نبكي خاطرصاروا حاجات  و مفرحتش بعيد ميلادي ..

براف مغير مندخلوا ياسر في التفاصيل .. و من غدوة  حلّيت عينيّا ؛  كان نهار مزيان ؛ ينسّي الهموم و يرتّح البدن العيّان ..  غزرت للمراية الّي قدّامي .. عينين منفّخين ؛ مليهم الحزن شاردين ؛ دمعة البارح مازالت واحلت فيهم غيرش هدّها النّوم ؛ و مخلّاهاش فوق خدودي تكمّل تعوم ..
Lire la suite...  
vie-traditionnelleOumayma Rjeb - أميمة رجب

أحنا هاكم متع العشرة ;

متع الجار يحلك باب داروا وقت الغصرة ;

متع الضحكة المزيانة موش القحرة ..

أحنا الحزارة; أحنا اليسمينة الفاوحة و النوارة
Lire la suite...  
fillette-pauvreteOumayma Rjeb - أميمة رجب

بنية صغيرة ؛ فقت نلقى دنيا كاسحة و هموم ياسر كبيرة ؛

نلقى ناس عندهم ضو و ماء و ناس حرم عليهم حتى يتنفسو الهواء ؛

ناس عندهم بَنيْ كبير و كياس ؛ و ناس الهم على ظهرهم أكداس ؛

ناس يمشييو للمدرسة كل يوم ؛ و ناس ما يمشِيوش ؛ موش خاطر غلبهم النوم ؛ خاطر بين دارهم و المدرسة مسافة في طول ألفين سلوم ..
Lire la suite...  
Powered by Tags for Joomla