marwa jabou
rentree-scolaireMarwa Jabou -  مروى جبو

توحشت.. توحشت ليلة المكتب.. وغلافاتي الملونين واقلامي وستيلواتي.. كنت كي نشري ستيلوات من الألوان الكل نحس روحي ملكت الكون.. قداش كانت فرحتنا بسيطة وما تتكلفش..

توحشت طاولة المكتب، والسبورة والتباشير وستي وسيدي.. وكراسة المحفوظات والتصاور إلي في الحيوط والملفات..

توحشت يد أمي اللي تشق بيا الكياس وبابا إلي يفرح بشهادة الشكر وتصويرة القسم وحفلة آخر العام كي كنا دينار دينار ونعملو حفلة تفرحنا وتزهينا..

توحشت ويا محلاهم ذكريات.. ان شاء الله اسكندر يكبر ونعاود نعيشهم معاه.. ربي ينجحلكم لوليدات ولبنيات..
Lire la suite...  
morts-attentatMarwa Jabou -  مروى جبو

في وطني تخال الجرذان ٲنفسها ٲسودًا

وتحمل سلاحا وتقتل ٲرواحا وتبصق على راية الوطن..

في وطني، مات سائح جاء يكتشف تاريخ البلد

وتاريخنا فخرٌ وحاضر البلد يُبكي
Lire la suite...  
man thinking
Marwa Jabou -  مروى جبو

يحبّها

يحبّها مزيانة وخطّافة انظار، وكان خزرولها في الشّارع، من غدوة يحبسها في الدّار

يحبّها قارية ومثقّفة، وكان فاتتّو بمعلومة، أعصابو تنهار

يحبّها ذكيّة وفريهة، وكان فاقت بيه كي يخونها، تاكل طريحة

Lire la suite...  
love is gone


Marwa Jabou -  مروى جبو



محلاهم هاك الأيامات.. محلاهم هاك العوينات كي كنت تراني بيهم للّة البنات.. كي كنت تسهر اللّيل تخيّطلي من الكلام روب حرير وتعيّشني شهرزاد ملّي تغيب الشمس للفجورات.. كنت بيك وأنا فايقة نعيش حلمات، وأنا بلا جوانح نطير في السماوات..

 

كنت بكلامك نحمّر ونكحّل وبدلالك نمشط شعري وبخزراتك نلبّس روحي كسوة وتاج ونرا روحي مولات الزيّن والعين.. وسكّنت روحي في قلبك وقلت بحبّك ما نكبرش ونعيش طول السّنين بنت العشرين..

 

Lire la suite...  
fillette triste et seule

Marwa Jabou -  مروى جبو


تعرفوا.. أنا اليوم بش نحكي.. بش نتكلم علي صار.. بش نحكي عالقهر و الدمار.. وقتها كان عمري ثلاثة سنين، طفلة صغيرة، ملايكة، فرططو يطير.. عصفورة جنة.. ماما تهزني لروضة فيها برشة صغار.. روضة مش بعيدة عالدار..

 

كنا نسكنو في المرسى، لحقيقة ما نتذكرش الحومة برشة.. أما نتذكر إلي صار عليا.. نتذكر كاينو صار البارح.. نتذكر وجهو وسمايلو.. نتذكر شعرو وحوايجو.. نتذكر الوجيعة والدم.. وشعري بين صوابع ايديه و ساقيا تحت ساقيه.. تعرفوا.. لليوم نكره اللون الأحمر..

 

Lire la suite...  
Powered by Tags for Joomla