elmnama
emna-frawes-romanEmna Frawes - آمنة فراوس


منعرفش شنوا الي صارلي في هاك اللحظه...كل ماهي تطلع درجه...نرعش كيف الطفل الصغير...لوج في كلام الغزل إلي باش نقولهولها... ...نحس بوجيعه منعرفش نفسرها...وليت لا

نعرف شكون الظالم و لا شكون المظلوم...مرات حسيت روحي مظلوم  و مرات ظالم.

كل منحل عينيا  مانلقهاش...
كل ما تصيرلي مشكلة
Lire la suite...  
emna-frawes-romanEmna Frawes - آمنة فراوس


بدى عقلي يبررلي في توخيرها...والعاده إلي تبدلت و إتغيرت... زعمة حب جديد طار بها خلاها تبدل و تتبدل...تنسى إلي بيناتنا الكل،ما عشنا من أوقات مزيانة عقلي معادش ينجم يجمع. شكون زعمه؟ هو موجود و إلا أنا ..... منحبش نتصورها...

قلبي باش يخرج من ضلوعي مجدر إني نخمم في حكايه كيما هكا...هذا إلي ماعمتلوش حساب مستحيل يصير هي تحبني مستحيل تنسى الي عشناه مدة ثلاثه سنين... آه ياقلبي يامسكين وين باش تخبي حزنك لو كان إلي يحكي فيه صحيح... شكون باش يداوي جروحك.... سيقارو في جرت خوه وعقل لا هفت ولا ركح...الوقت رزين يتعدى...كل دريجين يشوف الوقت...ياقف يطل على الدروج دوبه يسمع حثلة شي مفماش ريحتها....
Lire la suite...  
emna-frawes-romanEmna Frawes - آمنة فراوس


معادش فها رجوع و الي باش يصير خلي يصير...وقف ....رجع النفس مرة و ثنين و ثلاثه ...واقف قدام البلاص....كين يحسب في دقات قلب...كينو يستنى في خبر ...ميعرفش شنوا نتيجة...ولا نهاية...كل شي قدام...مضبب...اما مستحيل يتراجع...اليوم الي حج حج و الي عوق عوق هكه ام كانت تقل بعد كل اخر امتحان...

عاود الخزر للوقت...التسعه و نصف...الشتاء ماشيه و تقوى... الحومة بدات تخنس...في العاده...حومتها رايضة....مش جديده علاها ...دخل من الباب البلاص...شعل ضو الدروج... عاود وقف. خرج بكو النوار...من الصاشي الكحله...نضم روحو شويه...مسح صبات بpapier mouchoirs...تنهد...خزر على جناب...هز عينيه الفوق ...اش باش يطلعل ل troisième ...
Lire la suite...  
emna-frawes-romanEmna Frawes - آمنة فراوس


ضعت وضاعت مني الحروف...ضاعت مني أكثر حاجة تمنيتها...ضيعتها بغبائي وأنانيتي بسكوتي الزايد على حدو.

كنت نتصور روحي نعرف لمرا إلي معيا مليح،حسبت حسبة طلعت غالطة بديت نلغي فها من حياتي من برامجي...

من كل حاجة تربطها بيا كل مرة نقص من إهتمامي بها شوية. لين تورطت...وتربط بالحبل نفس الي حضرت لنوارة...مكنتش ناوي يصير هذا الكل...أناحبيت نكسرلها خشمها نقصهلها من تعنطيزها...نرجعها ليا والعالمي إلي صورت و قررت  نقصلها نعيش فيه مابعضنا...وقتلي  تعرف إني أهم واحد في حياتها  إلي تعمل فيه إلي دايرين بها ماعندهم حتى قيمة،وقت متلقانيش بجنبها.
Lire la suite...  
emna-frawes-romanEmna Frawes - آمنة فراوس


بدات علاقاتنا تخو منحى جديد مد و جزر ...

هي خذات متنفس من الحرية...تمارس في حياتها كلعادة...تحاول توفق بيني و بين الحاجات الي تحبهم.وأنا حاولت نبرهن إني نجم نواصل و نتواصل من غير علاقتها.

بنيت علاقات جدد،باهين والا خايبن ميهمنيش...حاولت قد مانجم نخرج من الدايرة متاعها...

فرحتلي برشا...على عكس إلي كنت نحس فيها و هي بعيدة عليا...وليت نتلكش في كل حاجة...
Lire la suite...  
Powered by Tags for Joomla