ellai belhassen
femme-telephoneÉllai Belhassen - ألاء بلحسن


جايني توا تقولي فيه الكلام هذا ..بعد السنين هذي الكل ؟ حبيتوا ..خفت عليه..حنّيت عليه تقولش عليّا أموا مش وحدة تحبو...صنت العشرة اللّي ما بيناتنا و ما عمري ما فكرت باش نخزر ولا نحكي معى راجل غيرو.. خاطرو كان عندي بالدنيا ..

كيف نبدى معاه ننسى الناس الموجودين جنبنا... كنت نتمنو كان نترمى في حضنو و نبكي و نلومو علّي عملو فيّا .....أمّا أنا كنت خايفة انّي كيف نشكيلو من تصروفاتوا يمشي و يخليني ... منتصورش حياتي بلا بيه كيفاش باش تكون؟ يمكن جهنم .. يمكن منعيشيش جملة بعدوا ...

Lire la suite...  
fille-parent
Éllai Belhassen - ألاء بلحسن

نحب نجنّح نحب نخرج من قشرتي يزني متحسرة يتزني ما بكيت راني انسان مش ماكينة باش ننساه فيسع نحب نبدل الدار إلي نسكن فيها نحب نبدل ناسي نبدل صحابي نحب نخرج ...نضحك


نحس الفرحة إلي نسيتها ليا سنين نحب نرجع الطفلة الضحاكة إلي فمها تسكر بعد ممشى وخلّها خلّها من غير حتى كلمة ... من غير مايقولها " بسلامة" خرج في صّباح على أساس بعد الخدمة يرجعلها أما هو خرج مرجع مشى لبلاصة بعيدة .. فوق السما كيما قالولي برشة عباد باش يصبروني أما مفم حدّ فيهم حاس بوجيعتي انا مشى للعالي ..

Lire la suite...  
lettre d amour brulee
Éllai Belhassen - ألاء بلحسن


على قد ما كتبت برشة حكاية لكن وين نجي بش نكتب حكايتي إنا ! حواسي الكل تحبس ... في كل حكاية نكتبها نبدا ندور فيها عالواقع متاعي أما منجمتش نوصلوا ونكتبو

كل ليلة وين نجبد ورقة وستيلو باش نكتب نقرر إلي المرة هاذي بش نكتب عليا انا... يدي تحبس ترمي الستيلو ونحس صوت في وسط مخي يقلي " يا مغبونة ميزيكش منو ... لواه تحير على روحك فالموجع .. أنا قريب انسيك فيه .. وانتي ترجعلو كأنو مصار شي .. ميزيكش من عمايلو المشومة .. إلي كل عملة يعملها أعظم من أختها

Lire la suite...  
crying-bride
Éllai Belhassen - ألاء بلحسن


حد مكان ينجم يوصف الجريماس إلي ترسمت على وجهها وقت إلي راتو معهم نوع متع جلطة شلل ... كل شي تخلط مع بعضو

!
نرجع الأول الحكاية .. هما زوز طفلة وطفل يحبوا بعضهم من أيام المدرسة كان ديمة ياكل شطر لمجة ويخليلها هي الشطر لخر.. حتى كيف تحط المعلمة بجانبها طفل يتغشش ويبقى نهارين ميكلمهاش حتى إذا كان مش ذنبها ...

Lire la suite...  
chaînes amour
Éllai Belhassen - ألاء بلحسن

هي طفلة غير كل البنات تكره الحب مش على خاطر تجرحت قبل والا حبت ومتحبتش ... هي تكرهوا خاطر ترى في العباد توا كفه متعذبين من الحب ، كنت برنسيبها فالدنيا انها متحبش خلاص حتى لو لقات إلي يحبها خاطر ينجم يجي نهار ويمشي ويخليها كيما عمل بوها وقت إلي هي صغيرة كان ديمة يوعدها إنو تيبقى معها ديمة وميخيلهاش لكنو موفاش ابوعدو ومشى وخلاهة مشى لعند ربي

كنت هي بنت بوها العمره ماهي بش تنساه والا تبدلوا .. كنت متصدقش حاجة اسمها حب ... لين عرفتو هو إلي دخل لحياتها كصديق ، يحكي معها كل ليلة ، يسمعها ، يعونها ، يستنها فالمحطة بش يمشيو للفاك مع بعضهم .. لين الناس شكت انهم يحبوا بعضهم
Lire la suite...  
Powered by Tags for Joomla