ellai belhassen
femme-degoutee-amourÉllai Belhassen - ألاء بلحسن

اصعب انواع من الحب من طرف واحد هو انك تحب انسان و هو يمثل عليك الحب و ديما يستغل نقطة ضعفك و لهي حبك ليه و خوفك القهري من إنك تخسرو باش يعمل كل حاجات غالطة و نهار لأنت تحاسبو على أفعالو و تطلب منو توضيح .. يهددك بالبعد ولا تسكت و تقبل الوضع كيما ه‍و .. بالرغم من انك ضحيت على خاطرو .. صنت حبك ليه و لا نهار خممت باش تخزر لغيرو و في آخر المطاف يجازيك  بالخيانة و كلو تحت حماية "حبك و انك باش تسامحو "  

و يتصور انت باش تبقى طول حياتك خايف متنجمش تتحرك من غيرو .. لين نهار كلمني الفجر تفجعت قلت هذا صارتلو حاجة هزيت عين مغمضة و عين محلولة مزلت مقلتش ألو سمعت صوتو  و هو يحكي و بغصة قالي ' توحشتك .. سامحني غلط معاك .. هيا نرجعوا كيما قبل و أحسن .. إيجا ننسوا لفات و نبدوا صفحة جديدة سامحني مريتيش بالعملتوا على خاطري  '( الحقيقة أنا قداه ليا نستنى فيها اللحظة هاذي مش على خاطر مزلت نحبوا .. لا لا !!
Lire la suite...  
fillette-facheeÉllai Belhassen - ألاء بلحسن
المشكلة إنك تبدى مقهور من عمايلهم أما هوما يبداو فرحانين و يتفخروا انه‍م جرحوك حتى في حديثم يكلموك ببرودة دم كأنك أنت الغالط لمصبرتش على تصارفاتهم بكل وقاحة يستنوا منك أنك أنت تطلب السماح بالرغم من كونك الضحية الوحيدة في الحكاية الكل بالرغم من أنك ضحيت برشا حاجات و أولهم كرامتك باش متخسرهمش و هوما معملوش حتى حاجة بسيطة على خاطرك
يخمموا كان في رواحهم و راحتهم الخاصة  الأنانية عماتلهم عينيهم .. مخلتهمش يراو بأنوا فما إنسان يحبهم و يخاف و عمل المستحيل باش ميبدعش عليه و ديما يلوم فيه على طبيعتو الخايبة خاطر يحب يتبدل على خاطرو وقتها ينجم يحس أنو يمثلوا حاجة في حياتو حتى لو كانت بسيطة أما نجموا نقولو أنو " اللوم كيما الحب ميتعطاش كان ليستحقو ' و أحنا غلطنا فيهم الزوز أما نهار لهما يفيقوا بغلطتهم و يقرروا أنهم يطلبوا السماح وقتها أحنا تكون أمنياتنا تبدلت و هما معدش من ضمنها و كيف ماقالت العظيمة أم كلثوم " جيت متأخر يا حبيبي "
 
femme-attend-copainÉllai Belhassen - ألاء بلحسن

توحشتو .. توحشت كلامو .. توحشت الخزرة من عينيه .. توحشت البسمة على خدّيه .. توحشت كلمة " توحشتك" من فمو .. يا ريتو كان يجي و يقلّي نحبك .. يقلّي أنا ليك و انتي ليّا يا أحلى ما رات عينيا .. حبك طيرلي النوم من عينيا .. أما حبك أنت خنفني ما خلانيش نعيش .. خنقني مرحمنيش ...4 ليالي نحلم بيك ..و أنا الّي ليا 9 شهور و 20 يوم مريتكش ..

أما نعرف لعلماء النفس يقولو كف تحلم بعبد برشا مرات معناها راو هو زادة يخمم فيك و متوحشك .. لحق أنا منتصورش الكلام هذا صحيح .. خاطر كان جا بالحق راك حكيت .. راك كلمتني و عبرتلي مخلتنيش مرهوجة ومن حبك مش منجمة نخرج .. مش منجمة نبدل عيشتي لرسمتها على وجودك .. حتى من قلبي لحبك .. قاعتا و قتلتوا أما شي باقي نخمم فيك ..
Lire la suite...  

 

femme-attend-reveÉllai Belhassen - ألاء بلحسن

بقالي في حياتي عقدة ...غصّة ميعلم بيها كان ربّي .. حبّو كان أكبر سرّ نجمت نستحفظ عليه و ما نقولو لحدّ ... أحلى سرّ... أحلى أياما عدّيناهم ... بالضحك بالحب بكل شي باهي معى بعضنا حتّى الخايب وقفنا ضدّو و قاومناه .. مخلينا حتّى شي في الدنيا ينجم يحبسنا و ميخلّيناش نوصلو للنحبو عليه ... الدنيا معاه كانت ملونة بألوان بنينة أول مرّة نراها أما عجبتني ...كنت ديمة نحاول منبينلوش حبّي ليه خاطرني كنت خايفة لا يطلع ميحبنيش و نخسرو ...

صحبتي ليه بالدنيا .. مستقبلي بنيتو على وجودو هوّا و محسبتش حساب أنو ينجم يجي نار و يمشي و يخلّيني ... صحبتنا يضربوا بيها المثل ... كان حاميني من هموم عصرنا و مشاكلوا ... سعات نقول الدنيا منجمتش تعطيني خو من أمّي و بويا باش ياقف بجنبي و يحميني ولاّت خلطاتوا عليّا في شكلوا هوّا ....و كيما نعرفوا الناس الكل الدنيا كيف تعطيك كل شي باهي .. تزهيلك حياتك و تجي في لحظة وحدة تفسد لعملاتوا الكل أما أنا مفسداتوش برك .. هدّماتوا .. محاتو .. دمراتو ...

Lire la suite...  
woman-mirageÉllai Belhassen - ألاء بلحسن

منعرفش كيفه دخل لحياتي كل لتفكر إن في لحظة نلقاه متربع في وسطها كأنو قاعد في دارهم .. عرفتو .. حكيت معه ... عجبني كلامو .. طريقة تخمامو .. عيشتوا .. كان فيه لنلوج عليه أنا الكل .. يحب درويش ، نزار القباني .. يسمع فيروز .. يقر الكتب


.. كنت نرى فيه ملايكة طاحت مالسماء ليا إن بارك .. ليا إن كهو .. وعدني اب برشة حاجات .. حلمت به برشة مرات .. تعلقت بيه لدرجة مش عادية ... قلت إدنيا ضحكت في وجهي مرة أخرى .. أما كيف مايقول فيها " فرحة وما تمت " طلعت لحكاية لكلها كذبة ..يمكن كانت تفدليكة بنسبة ليه هو ولا شنوة أما إنا نقمت على دنيا ومافيها أما ربي يهديه و يسامحوا نوكل عليه ربي


 
Powered by Tags for Joomla