توحشتك ي جنة و نار ..

توحشتك و انت فياّ و موش معايا ، توحشتك و انت آخر العنقود و الا اول النور .. انت اكيد شمس الصبحية و النسمة على شط بحر جانفي .. انتَ لسعت ثلجة بين ضلوعي .. ريحة قهوة بنينة بعد نهار كلو تعب .. اخر كاس شاخت به روحيِ و تخيلتك قاعد بجنبيِ محاذي كتفي يديٍ في يدك و انا عاملا بلعاني ندلل عليك و نغزرلك في عينيك المُشتهات..

تخيلتك الورقة الاخيرة من روايتي و سيد خلق ربيّ و بطل حكاياتيٍ .. تخيلتك في بيتي على حيوط عالمي بين تراكني ساكن .. تخيلتك جيتني بين نارين ، نار ماتطفاشي و نار لاهبة في جاشي .. و العيون فضيحة .

جيتني و غزرتلي ذبلانه ، دايخة بيك سكرانة ..

هي قاتلي أمي الحناّنة لي انا حياتي صعيبة و فرحتني مسلوبة متهانه ..

جيتني و منيٍ هزيتني ليك بيك حصرتني ..

كل مرة تكون فيها بجنبي كل شيء فيك عندي ملكيّ الا قلبك.

كل مرة انت فيها بجنبي كنت انا نذوب نموت نشعل و بضحكة نخبيّ ..

كل مرة تزيد المحاولات المُرة في انها تكون اخر كرة .. و يا نهار يتفضح ما في الجرة..

و زعمه علاش ؟ باهي موش مهم .. اماّ لوقتاش ؟

موش مهم اما انا توحشتك و لا دايخة لا سكرانه ..

توحشتك كي حاجة منيّ ناقصتني ..

علاش؟ علا بكلك عندي الا قلبك !

تي انا هويتك بلا ما تحكي حسيتك على غفلة في وقت شدة جيتك عنقت روحك و بكيت ..

بكيت حضيّ لي موش عارفه علاش ؟